web counter
LEXO PA REKLAMA!

SHKARKO APP

App Store
Google Play

"Teatrin po e varrosin atje ku u vra Ardit Gjoklaj"/ Aktivistja: Të arrestohet Veliaj

20 Maj 2020, 17:36, Politikë CNA

?Nga ky shesh i kërkoj SPAK arresto kryetarin e bashkisë Erjon Veliaj?. Kjo ishte kërkesa e aktivistes Ardiana Kalaja nga protesta e Aleancës për mbrojtjen e Teatrit Kombëtar.

Kalaja pretendon se Veliaj po manipulon provat e kësaj çështje. Sipas saj, Teatrin Kombëtar po e varrosin atje ku u vra Ardit Gjoklaj.

?Sa herë afrohem këtu, ndjej dhimbje. Nuk di se sa kohë do kalojë, që të harrojmë atë që pamë dhe përjetuam. Në këtë dhimbje këtu dy gjëra më kanë bërë përshtypje. Për një staf me terroristët. A e keni parë se terroristët sulmojnë simbolet. Ata sulmuan artin dhe kulturën shqiptare. Kauza e teatrit nuk janë muret, por Shqipëria, flamuri Kuq e Zi. Ata nën rrënoja hodhën flamurin, nuk iu dhimbs. Atje ku u vra Ardit Gjokaj, po varrosim dhe teatrin. A do të lejojmë që të ketë një Ardit Gjoklaj të dytë? Ne duhet ta ndalojmë. E ka thënë i madhi Falcone, ndiq paratë. Krimi për teatrin ka nisur kur u miratua ligji për Teatrin. Çfarë po bën pushteti? Po merret me veprime dytësore. Ato transaksionet e fshehta, ato biletat e udhëtimit të Maznikut, ato projektet e Kompanisë Fusha, duhet të hetojë SPAK. Nga ky shesh i kërkoj SPAK arresto kryetarin e bashkisë Erjon Veliaj, po manipulon provat. Provat dhe faktet i keni në SPAK. Veprimin e dytë është që mos e lejo të përdhoset çështja. Në këtë shesh do bëjmë teatrin e ri?, deklaroi aktivistja./ CNA.al





Lajmet e fundit nga