web counter
LEXO PA REKLAMA!

SHKARKO APP

App Store
Google Play

E fundit!

x

Neritan Liçaj thirrje nga protesta/ “Mos dilni vetëm te pragu i shtëpisë, reagoni”

20 Maj 2020, 16:21, Politikë CNA

Ndryshe nga hera e kaluar, protestën e sotme për shembjen e Teatrit Kombëtar e ka hapur aktori Neritan Liçaj.

Nga podiumi, Liçaj kërkoi që qytetarët të bëhen bashkë që të vihet drejtësi për shembjen e Teatrit.

Aktori bëri thirrje që qytetarët të mos vënë në radhë të parë vetëm interesat personale por të reagojnë ndaj qeverisë.

?Kemi harruar se i përkasim identitetit prandaj nuk gjejmë paqe. Jemi këtu, aleanca, një grup njerëzish që besuan tek zemra e tyre, besuan tek kauza e tyre. Gjithësesi ne jemi këtu për të thënë se ne jemi shqiptarë. Ne atë shesh të bukur e quajtëm sheshi i lirisë, sepse aty ne e shikonim në sy njëri-tjetrin. Të gjithë e panë se çfarë krimi u bë. Ne duam drejtësi. Të marrim dhe të analizojmë atë dorë pushkatimi që e vrau atë Teatër. Këto institucione të dinë të tregojnë se dinë të mbrojnë kombin e tyre se për atë u krijuan.

I bëj thirrje çdo shqiptari të mos mendojë vetëm deri tek pragu i shtëpisë së vet, sepse aty nuk mbaron bota shqiptare, aty fillon. Jemi në shekullin e 21, unë e dua popullin tim dhe jam krenar, jemi rracë e fortë, shahemi, mallkohemi, kemi një temperament të fortë dhe një shpirt shumë të bukur. Ejani ta mbrojmë të gjithë, e kjo nuk bëhet duke mbrojtur vetëm interesat personale. Të mos i falemi vetëm një perëndie në kërkim të parasë, ka diçka përtej parasë, pushtetit. Kërkojmë njerëzve me zemër të pastër dhe të fortë të reagojnë ndaj atyre që na marrin forcërisht?, deklaroi Liça./ CNA.al





Lajmet e fundit nga