E fundit!

09:42 Aktualitet

Masat për sezonin veror/ Lamallari: Siguri më e lartë në destinacionet turistike

U prezantuan sot masat e marra nga Policia e Shtetit për g...

Konsulli i Turpit, Don Estrello Pasmaqiu drekon me Baba Liken

2 Shkurt 2017, 01:44, Politikë CNA

Baba Likja u çudit kur një bodyguardët që mban konsulli Don Estrello Pasmaqiu erdhi dhe vendosi në tavolinën e restorantit ku ishin ulur të drekonin një flamur trengjyrësh që Baba Likes iu duk si ai i Italisë.

-Po flamurin e Italisë ç? na e deshe këtu në tavolinë o flori, – i tha Baba Likja.

-Nuk është flamuri i Italisë, por i Meksikës,- i tha konsulli i turpit, -i kanë ngjyrat njëlloj por ndryshon pozicioni i tyre. Unë nuk ulem në asnjë tavolinë pa u vendosur ky flamur, e kam detyrim si përfaqësues i shtetit meksikan që jam.

-Tani leksione për flamurët do të më japësh mua kryetarit të parlamentit, o vëlla, – i tha Baba Likja, – pse na krijon problem kot. Na fotografon dikush dhe dalim në media duke ngrënë drekë të dy me këtë flamur. Çfarë do të thonë amerikanët? A nuk i ka keq marrëdhëniet presidenti i ri amerikan, Trumpi me Meksikën, për çështjen e murit. Mua si politikan që jam do të ma marrin për qëndrim politik në përplasjen SHBA-Meksikë. E di ti o flori sa para kam harxhuar unë për lobing në Amerikë? Gjithmonë probleme do të më krijosh ti, megjithë të mirat që të kam bërë?

-Unë të të krijoj probleme shef, -tha konsulli i turpit, – janë ata që nuk na duan të mirën të dyve që nxitin sherrin midis neve. Për mua t? i je burri më i madh i shtetit që ka nxjerrë Shqipëria. Megjithëse kam ndonjë pakënaqësi, ti e di vetë, nuk më ke mbështetur për licencën për tv kombëtar për televizionin tim, as për legalizimin e ndërtesave në Kinostudio.

-Tani vëlla të mos e zgjatim me këto muhabete, ti e di vetë se ku e ke shkelur më parë se të vinin këto që the.- I tha Baba Likja,- tani më thuaj në këto zgjedhje do të më mbështesësh, se për të tjerat rregullohemi.

-Do të mbështes patjetër shef, ç? thua.- Tha Konsulli i Turpit.

-Po kur them të më mbështesësh, dua të them të vihesh komplet në shërbim të LSI-së, jo vetëm të pasqyrosh veprimtaritë tona dhe t? u japësh hapësirë njerëzve tanë, por edhe si media të sulmosh kundërshtarët tanë.- I tha Baba Likja.

-Ka marrë fund shef, media ime Sahat Haber do të jetë në shërbimin tënd totalisht. ? I tha Konsulli i Turpit.

-Ç? është kjo Sahat Haber, o flori, për kë media e ke fjalën? Tallesh me mua ti!- I tha Baba Likja.

-Jo shef, por ta thashë si provë besnikërie, të tregova një sekret. Kur isha në burg në Turqi kishim një system informimi brenda burgut që e quanim Sahat Haber, që në turqisht do të thotë diçka si ?ora e lajmeve?. Kur erdha në Shqipëri pashë se kishte një televizion me këtë emër por në anglisht. Këtë e quajta si kismetin tim dhe e bleva. Të gjithë e quajnë median time me emrin që ka publikisht, por unë në mendjen time e quaj Sahat Haber.

Baba Likja ia plasi të qeshurit me të madhe dhe i tha:

-Tani vëlla, meqënëse jemi në sahatin e habereve, siç thua ti, a më thua se çfarë ke bërë me atë arabin që solle në Shqipëri vjet, nga Emiratet e Bashkuara Arabe?

-A, sheiku Khalaf Ahmad Al Habtoor! Ai është një nga njerëzit më të pasur atje, -tha Konsulli i Turpit, -do që të bëjë investime në Shqipëri, por nuk çahet dot me këta të Rilindjes, njerëzit e Edi Ramës, ata duan të ta rrëmbejnë investitorin që gjen ti dhe t? i bëjnë vetë pazaret duke të lënë me gisht në gojë.

-Për këtë është LSI-ja, -tha Baba Likja,- që të shpëtojë njerëzit e ndershëm si ti nga problem të tilla. Sille te unë këtë Pilaf Ahmetin dhe do të merremi vesh. Po thuaji të paguajë ndonjë gjë tani për zgjedhjet se na duhet të ruajmë numrin e votave që kemi madje ta shtojmë, se kështu kemi pushtet të bëjmë edhe ndere për miqtë apo jo?

-Punë e mbaruar shef, ai është njeri që kupton, vetëm ki parasysh se ai më njeh me emrin Xhemail – tha Konsulli i Turpit.

Baba Likja ia plasi të qeshurit.

-Mirë s? ka problem, por meqënëse jemi këtu te çështja e emrit, pse ma ke dërguar ftesën për drekë me emrin ?Estrello??

-Kështu më quajnë në Meksikë shef, e përkthejnë emrin tim në spanjisht.

-?Xhemail? në spanjisht përkthehet ?Estrello?.

-Jo ?Xhemail?, por ?Ylli?.

-Ashtu, po ?Pasmaçiu? si përkthehet në spanjisht,- tha Baba Likja dhe ia plasi përsëri të qeshurit.