web counter
LEXO PA REKLAMA!

SHKARKO APP

App Store
Google Play

Avokatja e Popullit: Policia theu ligjin në protestën e shembjes së Teatrit

19 Maj 2020, 20:39, Politikë CNA

Avokatja e Popullit Erinda Ballanca thotë se Policia e Shtetit ka shkelur ligjin në protestën pas shembjes të godinës së Teatrit Kombëtar.

E ftuar në emisionin ?Përballë? Ballanca sqaroi argumentimin ligjor të këtij konstatimi.

?Secili prej nesh ka parë një ushtrim force nga ana e policisësë shtetit. Nëse ky veprim i forcës është i duhuri apo jo këtë e gjejmë duke analizuar dispozitat përkatëse të ligjit për policinë e shtetit. Ligji parashikon që në raste të posacme punonjësit e policisë së shtetit kanë të drejtë të ushtrojnë forcë, por ato duhet të jenë gjithmonë proporcionale me veprimin që ata janë duke parandaluar. Kjo masë është në gjykimin e policisë, të policit i cili duke qënë se është person i trajnuar, duke qënë se është person që ka specialitetin e duhur dhe ka trajnimin e duhur, ky person duhet ta ketë edhe sensin e masës se si duhet ta kryejë këtë veprimin e kapjes me forcë. Ajo që ne kemi parë është evidente që personat dhe veprimtaria e kryer nga Policia e Shtetit gjatë kësaj proteste, nga pamjet filmike që ne kemi parë, nuk ka qënë proporcionale me atë që duhet të ndodhë.

Ligji thotë që duhet të jetë proporcionale me rrezikun. Është e qartë ngjarja apo momenti në të cilin kanë kapur dhe kanë shoqëruar në polici zotin Lela. Gazetar i njohur, person public nuk isht eduke kryer asnje veprim I cili të cënonte rendin sigurinë apo të cënonte integritetin e forcave të policisë së rendit. Dhe ajo që thuhet në ligj është që përdorimi i forcës duhet të jetë minimal, vetëm për të ulur rrezikshmërinë shoqërore. Por zoti Lela nuk kishte asnjë rrezikshmëri, nuk kreu asnjë veprim.? theksoi Ballanca në Përballë.





Lajmet e fundit nga