web counter
LEXO PA REKLAMA!

SHKARKO APP

App Store
Google Play

“Policia ka fytyrën e Sandër Lleshjat”/ Këlliçi tregon si u dhunua: Kam pamjet filmike

19 Maj 2020, 15:51, Politikë CNA

Kreu i FRPD-së, Belind Këlliçi, në një intervistë për ABC news, ka rrëfyer dhunën e ushtruar nga policia mëngjesin e 17 majit kur nisi aksioni për shembjen e Teatrit Kombëtar.

Këlliçi, i cili ka bërë kallëzim në Prokurori për Policinë e Shtetit shprehet se është dhunuar nga policët, në momentin që ishte duke qëndruar në këmbë dhe si provë ka pamjet filmike të dhunës që ka ndodhur.

Sipas tij efektivët e policisë e kanë kapur për fyti dhe e kanë shoqëruar.

?Jam me fat që është filmuar e gjitha skena. Edhe sot që flasim nuk e di as vetë çfarë ka ndodhur. Ka qene absurde. Shoqërimi im është marrë duke ndenjur në këmbë. Kishim shkuar për të ndihmuar disa zonja që ishin rrëzuar. Më kanë marrë fillimisht 5 policë, më kanë kapur për fyti. Jam mbajtur në një dhomë për 6 orë me 9 persona të tjerë. Kam qenë me 10 persona në një qeli.

Kur mësuam se unë do bëja një kallëzim penal më kanë dhunuar. Për fatin tim kanë dalë pamjet filmike dje dhe do i dorëzoj në prokurori. Unë e kam personale me ata policë. Realisht fytyra e policit ka fytyrën e Sandër Lleshajt.

Na kanë marrë pa numër identifikimi me skafandra, në një ditë kur mua më është hequr 2 herë patenta. Na kanë keqtrajtuar me fjalorin më banal.

Në vend që policia t jetë në mbrojtje të qytetarëve ka bërë atë akt brutal, që është i denjë vetëm për Korenë e Veriut. E kam të vështirë të gëlltis këto 48 orët e fundit. Unë kam qenë me kurriz, jam marrë prej fyti. I thoja policit ndalo se vij vetë. E gjithë arsyeja është se këta nuk shkëputem dot nga metodat e dhunës?, u shpreh ai./CNA.al

 





Lajmet e fundit nga