E fundit!

08:16 Ekonomi

Izolimi rajonal, 22% e qytetarëve të Ballkanit nuk udhëtojnë fare te fqinjët

Pavarësisht përpjekjeve shumëvjeçare për bashkëpunim rajon...

Mediat raportojnë për mikun e Bashës/ Nëse shkel në SHBA do të arrestohet

19 Maj 2020, 11:28, Politikë CNA

Në dhjetor të vitit 2017, ish-këshilltari për Sigurinë Kombëtare, Michael Flynn pranoi në gjyq se kishte gënjyer FBI-në për takimet me ambasadorin rus në SHBA, disa javë para se Donald Trump të bëhej President.

Akuzat u bënë nga prokurori special Robert Mueller, si pjesë e hetimit të tij për përfshirjen e dyshuar ruse në zgjedhjet e 2016-s.

Më tej, në media dolën të tjera detaje, ku përfshihej edhe biznesmeni turko-hollandez, Ekim Alptekin, miku i ngushtë dhe kumbari i fëmijëve të kreut të PD-së, Lulzim Basha.

Sipas Ahvalnews.com, përfshirja e Turqisë në fushatën e vitit 2016 të Trump ka qenë e lidhur kryesisht me Ekim Alptekin, ish-partner i biznesit të Michael Flynn.

Sipas një aktakuze të zbuluar nga prokurorët e SHBA, Bijan Kian, ish-partneri i Flynn, komplotoi me Alptekin për të lobuar në mënyrë të paligjshme zyrtarët e qeverisë së SHBA dhe për të ndikuar opinionin publik te Shteteve te Bashkuara kundër Gylenit.

Në lidhje me çështjen në fjalë, në datën 16 maj 2020, pra tre ditë më parë, media Ahvalnews.com shkruan se sipas vendimit të fundit të Prokurorit të Përgjithshëm, Alptekin vijon të mbetet nën akuzë dhe nëse shkel në SHBA, do të arrestohet.

?Alptekin mbetet nën aktakuzë dhe do të arrestohet nëse shkel në SHBA. Gjithashtu mund të përballet me esktradim nëse udhëton në një vend me një traktat ekstradimi në SHBA. Ironikisht mund të kërkojë esktradimin e tij nën të njëjtin traktat ekstradimi SHBA-Turqi , me të cilin Turqia ka kërkuar ekstradimin e Gylenit, me të njëjtën prespektivë për sukses.?-thuhet në shkrimin e publikuar nga Ahvalnews.com.

Kujtojmë këtu se në një intervistë të dhënë për gazetarin amerikan Majkëll Doran, të cilën mund ta lexoni këtu, Alptekin tregon sesi e ka njohur ish-gjeneralin amerikan Majkëll Flyn, si e punësoi me paratë e tij (të paktën kështu pretendon) të hetonte rolin e Lëvizjen Gylen në përpjekjen e grushtit të shtetit të korrikut 2016 në Turqi.

Flyn u bë pak muaj më vonë këshilltar i presidentit Trump për çështje të sigurisë kombëtare. Por ai u shkarkua nga ky post pas vetëm 24 orësh pas një skandali, ku akuzohej për lidhje me një agjente ruse, dhe më vonë për përfshirje në një komplot që synonte rrëmbimin e klerikut turk Fetullah Gyllen dhe dërgimin e tij në një burg të Turqisë.

Sipas hetimeve ish-këshilltarit amerikan iu ofruan 15 milionë dollarë për ndihmën e tij në këtë skenar. Emri i Flyn shfaqet edhe në kompaninë lobuese të Nik Muzin, të cilit Lulzim Basha i ka dhënë 625 mijë dollar minimalisht, nga të cilët vetëm 125 mijë janë të deklaruara zyrtarisht, dhe pjesa tjetër dyshohet se vijnë nga kompani offshore me pronarë ruse.

Por, ku lidhet Alptekin me Lulzim Bashën?

Ekim Alptekin është miku i ngushtë dhe kumbari i fëmijëve të kreut të PD-së, Lulzim Basha. Ky i fundit e ka pranuar vetë lidhjen me Ekim Alptekin live në emisionin ?Opinion? të Blendi Fevziut, kohë më parë.

Më poshtë ne po sjellim një foto, ku Ekim Alptekim është duke u martuar dhe ?kurorën apo bekimin? ia jep Lulzim Basha.

Ortaku dhe miku i ngushtë i Lulzim Bashës, Ekim Alptekin është ndër oligarkët transnacional që ndan bizenese me Vladimir Putin dhe aktualisht është nën investigim nga FBI në SHBA./ CNA.al

Intervista e plotë/ Flet miku i Bashës që akuzohet nga FBI: Nga rrëmbimi i Gylenit tek dënimi me 20 vite burg

Boom nga Turqia/ Miku i Bashës rrezikon 20 vite burg në SHBA, Ekim Alptekin pranon akuzat: Si e pagova këshilltarin e Trump

Ortaku dhe miku i ngushtë i Lulzim Bashës, oligark dhe ndan biznese me Putin

Ekskluzive-Krimi i organizuar ndërkombëtar dhe lidhjet e Bashës/ FBI i arreston miqtë

Flyn ndryshon dëshminë/ Ngushtohet “laku” për mikun e Lulzim Bashës?

Thellohen akuzat në SHBA/ Ortakët e Bashës ndërhynë në zgjedhjet e Trump