web counter
LEXO PA REKLAMA!

SHKARKO APP

App Store
Google Play

E fundit!

x

“Opozita në pikë kthese”/ Basha: Shembja e teatrit u cilësua si krim fashist

19 Maj 2020, 19:43, Politikë CNA

Kryetari i opozitës Lulzim Basha ka folur për shembjen e Teatrit Kombëtar dhe ka përmendur kundërshtimet e mëdha që ka marrë ky akt i qeverisë dhe Bashkisë së Tiranës Erion Veliaj nga ndërkombëtarët.

?Jemi në një pikë kthese, shumë artikujt të medieve të huaja e kanë cilësuar shembjen e Teatrit si një krim fashist që vjen era korrupsion. Nga reagimet e Donald Tusk dhe komisionari Varhelyi, tek një njeri që ka punuar shumë për hapjen e negociatave. Shumë zëra nga Evropa janë bashkuar për të dënuar krimin që ndodhi të dielën në mëngjes. Krimi përbëhet nga pjesa materiale që është shkatërrimi i një ndërtesë historike, kulturore me rëndësi për Shqipërinë, por edhe për Evropën, pasi mbrohej nga Evropa Nosta që e renditi në 7 monumentet që duheshin mbrojtur?, u shpreh ai në emisionin ?Tempora?.

Basha tha se opozita është në pikë kthese, ndërsa theksoi edhe njëherë premtimin se do ta ndërtojë ashtu siç ishte Teatrin Kombëtar sapo të vijë në pushtet.

?Pjesa tjetër është fakti që një galvanizim i këtij inati nuk është parë kur u shembën shtëpitë te Unaza e Re apo në fund të Bulevardit të ri. Nuk u pamë kur u rrënuan standardet zgjedhore dhe mbyllja e televizioneve kritike ndaj qeverisë. As kur Shqipëria u kthye në një hambar droge. Kjo është pika e kthesë, vija e kuqe. Ndërtesa do të ndërtohet ashtu sikurse ka qenë, aty ku ka qenë dhe ata që morën pjesë në këtë krim, nga i pari deri te i fundit do të përballen me drejtësinë dhe ky është një zotim që unë e kam firmosur me shkrim me Aleancën për Teatrin dhe i qëndroj me nderin tim?, nënvizoi kryedemokrati./ CNA.al





Lajmet e fundit nga