E fundit!

11:05 Aktualitet

Aeroporti i Vlorës/ Pacolli: Vendimi i Gjykatës së Lartë tregon horrorin që është bërë mbi mua, u kërcënuam me jetë

Pas zbardhjes së vendimit të Gjykatës së Lartë për çështje...

Ministria e Punëve të Jashtme të Meksikës i shkruan Citynews

17 Maj 2017, 19:55, Politikë CNA

Në redaksinë tonë ka ardhur një mesazh nga adresa zyrtare e Ministrisë së Punëve të Jashtme të Meksikës, në të cilin thuhet:

Don Elvi Fundos, Drejtor i Citinews!

Senjor Fundo!

Me çudi të madhe mësuam lajmin se portali tuaj është paditur në Gjykatë nga Konsulli i nderit i Meksikës në Shqipëri, i cili pretendoka se nga satirat tuaja i është bërë dëm i madh në imazhin e tij diplomatik. Në emër të qeverisë meksikane iu bëjmë me dije se diplomatëve meksikanë në botë u është ndaluar shprehimisht që të bëjnë padi që kanë lidhje me detyrën e tyre, pa autorizimin e qeverisë sonë.

Shikoni se mos keni rënë viktimë e ndonjë njeriu që paraqitet me identitet të rremë si diplomat meksikan.

Ne në Shqipëri njohim si përfaqësues nderi diplomatik një person të quajtur Don Estrello Pasmaqiu, i cili ka hapur konsullatën e nderit meksikane në qytetin e Ndroqit. Si zëvendëskonsulle është Senjora Qilva e Sorrës, e cila mban njëkohësisht edhe detyrën e shefes për Shqipërinë të një fondacioni të njohur në botë.

Pasmaqiu na ka thënë se ai ka pasur një tjetër emër më parë, një emër që në gjuhën shqipe tregon një trup qiellor ndriçues, por për nder të detyrës së re si diplomat meksikan e ndryshoi emrin duke e përkthyer në spanjisht.

Ne kemi dyshime se Don Estrello ka ndryshuar edhe mbiemrin pasi kur Ministria jonë e Jashtme kishte një plan që konsullata e nderit në Shqipëri të varej nga Ambasada Meksikane në Turqi, për shkak të ngarkesës së madhe që kishte ajo e Romës, Don Estrelloja refuzoi deri në atë pikë sa tha se do të jepte dorëheqjen, kur i thamë se për një formalitet diplomatik duhej marrë edhe miratimi i autoriteteve turke për pastërtinë e figurës së tij.

Don Estrelloja e humbi aq shumë mendjen sa nisi të shante në turqisht, gjuhë të cilën siç na tha një zyrtar i yni që e njeh mirë Turqinë, e fliste çuditërisht me zhargonin e burgjeve turke. Don Estrelloja kishte arsyet e tij për të refuzuar ballafaqimin me autoritetet turke.

Ju lutemi, senjor drejtor të na dërgoni një kopje të kësaj padie dhe të na vini në dijeni për ecurinë e këtij gjyqi. Nëse e shohim të nevojshme do të dërgojmë një përfaqësuesin tonë si vëzhgues.

Ne ju kemi dhënë udhëzime diplomatëve tanë që të mos merren me satirat që shkruan shtypi për ta, sepse satira politike shkruhen në të gjithë botën e qytetëruar dhe Meksika siç dihet është pjesë e saj. Rasti i fundit që një diplomati ynë në botë ka ngritur padi për satira është në kohën e Revolucionit Meksikan të Panço Villës dhe Emiliano Zapatës, para se të binte diktatura e Diazit. Këtë padi e ka bërë një konsull meksikan në Kaliforni të SHBA që e gjente veten në tregimin ?Meksikani? të Xhek London. Atëherë bota qeshi shumë me ne, por që atëherë nuk ka ndodhur një gafë e tillë. Nuk do të ndodhë as tani, dhe nëse ka ndodhur do të merren masa ndaj personit përgjegjës.

Megjithëse do të jetë e vështirë pasi duhen hetime për të zbuluar nëse bëhet fjala për një person që këtu te ne paraqitet me emrin Don Estrello Pasmaqiu, dhe atje në Shqipëri ndoshta me emër tjetër. Meksika, senjor, është një shtet i madh por kohët e fundit ka shumë probleme dhe nuk mund t? / lejojme vetes luksin që të mrremi me hetime edhe ndaj cabrones të tillë. Prandaj do të ishte e mirëpritur ndihma juaj si gazetar i njohur investigativ në vendin tuaj.

Pranoni ju lutem, senjor drejtor kërkesën tonë për ndjesë dhe përshëndetjet tona miqësore

Shpresojmë në bashkëpunimin tuaj

Me respekt

Miguel Rodriguez del Maceda Y Esteban

Drejtor i Drejtorisë së Imazhit të Diplomacisë Meksikane në botë

Meksiko, 17. 5. 2017