E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Golat do festohen me bërryla dhe transporti me vetura/ Ja si do ndryshojë Premier League

14 Maj 2020, 08:44, Sport CNA

Premier Liga ka mbajtur një videokonferencë ditën e mërkurë me kapitenët e klubeve, trajnerët dhe ekspertët mjekësorë. Njëzet trajnerët e klubeve mbajtën diskutimin e parë me zyrtarët e Premier Ligës ku u diskutuan detajet e projektit ?Rinisja?. Në takim morën pjesë edhe përfaqësuesit e Shoqatës së Futbollistëve Profesionistë dhe Shoqata e Trajnerëve të Ligës, të cilët ripërsëritën edhe një herë shqetësimin e tyre për shëndetin e futbollistëve.

Klubet e Premier Ligës gjatë videokonferencës me lojtarët e tyre ditën e martë, mësuan se shumë prej futbollistëve nuk janë të gatshëm që të rikthehen në stërvitje ditën e hënë. Disa prej tyre i kanë informuar shefat se nuk kanë ndërmend që të rrezikojnë jetën e tyre dhe të familjarëve prej Koronavirusit. Lojtarët i kanë shprehur pasiguritë e veta edhe mes tyre, duke krijuar një grup komunikimi në ?WhatsApp?.

Qeveria britanike i ka dhënë dritën jeshile rinisjes së Premier Ligës dhe të gjitha sporteve të tjera elitare prej datës 1 qershor. Më 18 maj është parashikuar rikthimi i skuadrave në stërvitje, ndërsa fundjava që nis më 12 qershor do të jetë ajo që do të shënojë rinisjen e kampionatit, të cilit i kanë mbetur edhe 92 ndeshjet e fundit për të dhënë verdiktet. Ditën e sotme, autoritetet e futbollit do të kenë një takim me qeverinë britanike.

Deri tani duket se po shkohet drejt luajtjes së ndeshjeve të mbetura në stadiumet respektive, duke hedhur poshtë mundësinë e organizimit të tyre në fusha neutrale. Deri në 300 persona do të jenë prezent në stadium, skuadrat do të karantinohen në hotel një ditë përpara ndeshjes, autobusët e ekipeve do të zëvendësohen me një flotë makinash të dezinfektuara, lojtarët do të festojnë duke prekur bërrylat, ndërsa në pushimin e pjesës së parë stoli do të dezinfektohet.

Policia ka shfaqur shqetësime në lidhje me grumbullimet e mundshme të tifozëve jashtë stadiumit, duke thënë se kjo është një situatë e papërballueshme edhe nga ata dhe u ka bërë thirrje atyre që të qëndrojnë larg stadiumeve kur të rinisë kampionati.