web counter
LEXO PA REKLAMA!

SHKARKO APP

App Store
Google Play

“Ikja e një rezistenti”/ Plasari: Maks Velo la mbrapa kujtime dhe punë me vlerë

8 Maj 2020, 06:21, Sociale CNA

Pasditen e djeshme u nda nga jeta në moshën 84-vjeçare arkitekti dhe piktori i njohur Maks Velo.
Studiuesi Aurel Plasari thotë se ikja e Maks Velos la mbrapa edhe kujtime të mira, edhe punë me vlerë.

Plasari shkruan se Velo, mbi të gjitha la pas modelin e rezistentit: në art, në burg, mbas burgut në të quajturën ?liri?.

?Ikja e një rezistenti
Maks Velo iku, por la mbrapa edhe kujtime të mira, edhe punë me vlerë. Të kish? të linte gjithëkush prej nesh të tilla!
La punë në arkitekturë, la vepër krejt vetjake në pikturë e grafikë, la letërsi, la memorialistikë të përndjekjeve dhe padrejtësive që i bënë të tjerët atij dhe jo ai të tjerëve, la dhjetëra biseda mësimdhënëse për ata që kanë ardhur mbas e që do të vijnë. Mbi të gjitha la modelin e rezistentit: në art, në burg, mbas burgut në të quajturën ?liri?. Vepra e tij më e fundit e rezistencës mundet që ishte ajo për ruajtjen dhe mbrojtjen e ndërtesës shumëfish historike dhe kulturore të ish-Qarkut ?Skanderbeg?, ku funksionojnë sot dy teatrot, ai kombëtar dhe ai eksperimental.
Sa e shanë! Dhe sa mund ta shajnë ende pikërisht ata që në vend të rezistencës kanë zgjedhur në jetën e tyre nënshtrimin. Po ç?punë prish? Si tha ajo mendja e zgjuar: nëpërmjet nënshtrimit sigurojmë rendin, nëpërmjet rezistencës sigurojmë lirinë?, shkruan Plasari./CNA.al





Lajmet e fundit nga