web counter
LEXO PA REKLAMA!

SHKARKO APP

App Store
Google Play

Rikthimi i linjave urbane/ Synohet shtrenjtimi i biletës për shkak të Covid-19

5 Maj 2020, 09:36, Sociale CNA

Pandemia e koronavirusit ka prekur shumë sektorë të rëndësishëm të zinxhirit të ekonomisë.

Kryetari i ?Shoqatës Transporti Kombëtar Interurban?, Kujtim Mema ka folur për vështirësitë që kanë linjat urbane për shkak të karantinës, ndërsa shtoi se për shkak të pandemisë bileta mund të rritet me 30 %.

Ai theksoi se në këtë kohë pandemie linjat janë në një situatë jo të mirë, ndërsa shtoi se Ministria, drejtoritë duhet të sensibilizohen dhe premtimet të mos mbeten vetëm në letër.

?Shoqëritë e Transportit të Udhëtarëve në Shqipëri janë shoqëri aksionare të cilët kanë mjetet e tyre dhe punojnë për familjet e tyre.
Shumica e transportit ndërqytetës janë me kredi dhe një kredi e dytë nuk na bën mirë, pasi dy kredi bashkë është e vështirë për ti shlyer. Jemi tkurrur ekonomikisht. Referuar edhe vendeve fqinje ndoshta ka ardhur momenti që të bëhet një hapje e punës, pasi në këtë mënyrë jemi drejt falimentimit. Parashikimi jonë për tu kthyer në normalitet është nga 20 shtatori. Korriku dhe gushti janë dy muaj që nuk ka lëvizje.
Situata e protokollit të sigurisë mund të na çojë në rritje të biletës. Kjo nuk është e qëllimshme, por e detyrueshme. Nëse do të shkojmë më gjysmë kapaciteti, bileta do të detyrohet me 30%, të rritet edhe pse pritet që të shikohet se si do të vijojë situata?, tha ndër të tjera Mema në studion e Abc News./CNA.al





Lajmet e fundit nga