web counter
LEXO PA REKLAMA!

SHKARKO APP

App Store
Google Play

E fundit!

x

"Po hartojmë rregulla strikte"/ Klosi: Në fund të majit mund të presim charterat e parë

4 Maj 2020, 19:45, Sociale CNA

“Kemi të gjitha mekanizmat në këmbë që në fund të majit të presim charterat e parë”.

Kështu ka deklaruar mbrëmjen e sotme ministri i Turizmit Blendi Klosi, teksa po fliste për turizmin në verë.

Klosi tha se kanë bërë një paketë rregullash strikte që bëjnë të mundur rikthimin e turizmit në fund të këtij muaji.

“Ne së bashku me Ministrinë e Shëndetësisë kemi shpërndarë për mendim një set rregullash sa i përket higjienës, rregullave strikte për menaxhimin e stacioneve të plazhit, strukturave që mbështesin turizmin, duke filluar që nga hotelet, baret, restorantet dhe pastaj me kompanitë e transportit. Pra me çdo detaj që përbën turizmi për të pasur mundësinë që ne këtë kemi të gjitha mekanizmat në këmbë që në fund të majit të presim charterart e parë nëse ministria e Shëndetësisë, ministria e Jashtme dhe ajo e Transportit do të vendosin që të fluturojnë në Shqipëri chartera nga zona pak të prekura, siç janë për ne zona e turistëve polak, çek dhe vendeve skandinave. Po ashtu do të presim edhe vëllezërit tanë nga Kosova, por kjo ka të bëjë me heqjen e gjendjes së pandemisë. Por përsa kohë ne jemi në situatën e pandemisë, gjithë këto biseda dalin në plan të dytë”, tha Klosi./ CNA.al





Lajmet e fundit nga