Mirel Josa: Tirana e ka siguruar titullin, refuzova një ofertë nga Arabia

4 Maj 2020, 16:41, Sport CNA

I ra fati i keq të ishte në krye të skuadrës, që ra nga kategoria, por Mirel Josa i ka dedikuar karrierën Tiranës dhe akoma i rreh zemra për ngjyrat bardheblu. Në një intervistë për Super Sport, trajnerit i pëlqen më shumë të kujtojë titullin e vitit 2004. Josa është i sigurt se Tirana do e fitojë titullin kampion.

PANDEMIA- Situata ishte pak e çuditshme në javët e para pastaj çdo gjë ka ardhur në normalitet. Gjërat kanë ardhur duke u normalizuar dhe tani presim që gjërat të rikthehemi. Do të jetë shumë e vështirë për lojtarët dhe trajnerët që do të kthehen në fushë.

RIKTHIMI I STËRVITJES- Këtu kam edhe unë pikëpyejtet e mia. Duhet të ishte dhënë leja për të nisur stërvitja. Ne po dëgjojmë në Europë për mënyrën se si stërviten dhe këtu kam disa pikyëpyejte nëse klubet shqiptare kanë mundësi për të respektuar këto rregulla.

TITULLI ME TIRANËN NË 2003-2004- Tirana ka qenë një skuadër e kompletuar dhe mora ekipin kur zëvendësova Sulejman Memën dhe nuk u deshën shumë ndërhyrje në merkato. Pastaj u ndryshuan shumë gjëra, pasi u largua presidenti El Saied dhe erdhën katër donatorë të tjerë. Kisha një vit që kisha filluar punë si trajner. Kisha fat që drejtova atë skuadër që fituam edhe titullin kampion.

KALIM JASHTË SHQIPËRISË- Nuk ka pasur ndonjë ofertë shumë konkrete. Ka qenë një ofertë në Azerbajxhan dhe një në Arabi. Atë në Arabi e kam refuzuar vetë, ndërsa në Azerbajxhan oferta nuk ka qenë konkrete.

MARTESA ME VAJZËN E SHYQYRI RELIT, TRAJNER ATË KOHË- Kjo ka ndodhur nga viti 86 dhe atëherë gjërat ishin më konkrete. Ishte diccka e cila u sheshua me kalimin e kohës.

RIKTHIM NË KATEGORINË SUPERIORE- Nuk dua të flas shumë rreth kësaj, por unë dua të punoj. Kisha kontratë me Prishtinën, por kontrata u prish e njëanëshme. Në fund të sezonit do të rikthehem si trajner te një skuadër që pretendon titullin apo jo.

TITULLI- Tirana e ka të siguruar titullin kampion dhe për këtë gjë të jenë të sigurt të gjithë. Dua ta respektoj, pasi Tirana është pjesë e jetës sime qoftë si lojtar, tifoz apo trajner. Do të më bëhet qejfi shumë dhe më është bërë për atë ecuri që ka bërë. Për mua e para është fanella e Tiranës e pastaj ata që e drejtojnë.