web counter
LEXO PA REKLAMA!

SHKARKO APP

App Store
Google Play

Merr fund dilema, ekipet e Serisë A zbresin nesër në fushë

3 Maj 2020, 13:43, Sport CNA

gli Tare kishte një debat në distancë me të, duke e akuzuar se nuk dëshiron të ndihmojë futbollin. Drejtori sportiv i Lacios i kërkonte me ngulm rikthimin e stërvitjes ministrit të sportit në Itali, Vinçenzo Spadaforës. Ky i fundit prej ditësh këmbëngul për të shtyrë sa më shumë rinisjen e kampionatit, ndërkohë që Italia po planifikon hapjen totale në javët në vazhdim.

Ai kërkonte të shtynte edhe datën e nisjes së stërvitjes, që ishte parashikuar të ishte dita e nesërme. Megjithatë, tashme gjithçka është më e qartë dhe vetë ministri është tërhequr nga pretendimet e tij, që hasën kundërshtime nga një pjesë e madhe e opinionit sportiv italian. Mediet Italiane bëjnë me dije se dita e nesërme do të jetë ajo e rifillimit të stërvitjes nga të gjitha skuadrat e Serie A.

Ishte fillimisht regjioni Emilia-Romanja, që vendosi të hapte qendrat stërvitore për futbollistët profesionistë, pastaj edhe regjione si Lacio e Kampania. Pas këtyre vendimeve, në Itali raportojnë se ministri Spadafora është dorëzuar dhe ka kërkuar që të lejohen të gjitha skuadrat italiane për rikthimin në stërvitje, duke filluar nga nesër. Deri tani, skuadra si Roma, SPAL, Bolonja, Sasuolo, Parma e Napoli kanë konfirmuar se do të kthehen në stërvitje duke nisur nga dita e nesërme. /vipsport.al/





Lajmet e fundit nga