web counter
LEXO PA REKLAMA!

SHKARKO APP

App Store
Google Play

Hidhet nga kati i 5-të i konviktit një 26-vjeçar

3 Maj 2020, 19:00, Kosova & Bota CNA

Një 26-vjeçar është hedhur pasditen e sotme nga kati i pestë i njërit prej konvikteve të Qendrës së Studentëve në Prishtinë.

Ngjarja ka ndodhur rreth orës 17. I riu është dërguar në spital por ka ndërruar jetë gjatë rrugës .

Mjeku kujdestar në Qendrën Emergjente të Qendrës Klinike dhe Universitare të QKUK-së, Gëzim Mustafa, deklaron se 26-vjeçari ka mbërritur pa shenja jete dhe me fraktura të rënda në bazën e kokës.

?Rreth orës 17:30 në Qendrën Emergjente është sjellë me urgjencë një pacient i ri i moshës 26-vjeçare, pa shenja jete. Faktikisht sipas asaj që ne kemi vlerësuar pacienti ka ndërruar jetë në vendin e ngjarjes si pasojë e lëndimeve që ka pasur, të rënda vdekjeprurëse. Në pranim pacienti ka qenë pa shenja jete me gjakderdhje nga veshët, hunda dhe goja. Prej lëndimeve të dukshme që ne i kemi parë kanë qenë këto mirëpo, shkaktarin definitiv të vdekjes fjalën e ka ekspertiza mjeko-ligjore prej të cilëve ne edhe kemi kërkuar ekspertizën e tyre. Sipas të gjitha gjasave pacienti ka ndërruar jetë në vendin e ngjarjes dhe ka ardhur këtu pa shenja jete dhe vdekja e tij është konfirmuar rreth orës 17:45?, ka thënë Mustafa.

Ndërkohë, raportohet se 26-vjeçari ishte kthyer dje nga Gjermania dhe kishte kërkuar që të mos vendosej në karantinë te Qendra e Studentëve. Ai kishte deklaruar se vuante nga probleme shëndetësore, madje kishte prezantuar edhe dokumentacionet, por autoritetet e akomoduan aty./ CNA.al





Lajmet e fundit nga