“Është tronditëse kjo që po më ndodh”/ Pacolli nuk lejohet të kthehet në Kosovë

28 Prill 2020, 11:32, Kosova & Bota CNA

Pak pasi u ankua se Qeveria po e pengon për të ardhur në Kosovë, deputeti Behgjet Pacolli, thotë se tashmë i është anuluar leja për uljen e avionit të tij në Aeroprtin Ndërkombëtar të Prishtinës.

Pacolli shkruan se anulimi i kësaj leje është privim i të drejtës për lëvizje.

?Anulimi i lejes së uljes në aeroportin e Prishtinës për aeroplanin tim është privim i drejtpërdrejtë i së drejtës sime për të lëvizur?, ka shkruar Pacolli.

Ai më herët e akuzoi Qeverinë në detyrë të Albin Kurtit, duke thënë se këtë pengesë po ia bën një qeveri që ai e ka votuar, pa votuar rrëzimin e saj më pas.

?Është tronditëse kjo që po ndodh me mua! Pas dy mujësh karantinimi së bashku me familjen time në Zvicër,nën asistencën shendetsore, diçka që ua deshmova me dokumenta, më pengojnë të vij në Kosovë! Jam unë që rrezikoj duke ardhur në vendin tim nga Zvicra, një sistem kujdesi shendetesor I përparuar, por dua të respektoj votën e qytetarit për mua!
Ju qeveritarë të Kosovës, kështu do bëni dhe me diplomatë zviceranë a perëndimorë që mund të vijnë në Kosovë? Do t?i karantinoni?
Kush e bën këtë? Po e bën një qeveri te cilën unë e kam votuar! Për më shumë nuk kam votuar as mocionin për rreximin e saj!
Kjo qeveri sot në mënyrë primitive, diktatoriale, më privon të kthehem ne vendin tim! Më pengon të zhvilloj veprimtarinë time parlamentare në shërbim të Atdheut tim!
Akti ndaj meje, në kundërshtim me gjithë ligjet nderkombëtare, madje dhe me vendimin e fundit të Gjykatës kushtetuese, nuk është akt force, por akt dobësie!
Nuk është akt trimërie, por disfate!
Nuk është qeveri e fortë, një qeveri që kapet pas pushtetit kësisoj dhe pengon veprimtarinë e parlamentit me çdo mjet, por qeveri e dobët!
Kush jeni ju që paragjykoni veprimtarinë time parlamentare?
Kush jeni ju që paragjykoni votën time?
Po nëse unë do ta shpallja publikisht se do t votoja pro jush- a do të më pengonit? Jo, nuk e besoj!
Ju kam votuar duke besuar tek rotacioni, tek energjia e re e votuesve tuaj, tek nevoja për ndryshim, por kjo që po ndodh ndaj meje, është zhgënjyese!
Kjo është pergjigjja ndaj sjelljeve te mia ndaj jush!?, shkruan Pacolli./CNA.al