web counter
LEXO PA REKLAMA!

SHKARKO APP

App Store
Google Play

Puna nga shtëpia/ Gjermania pritet ta bëjë të ligjshme edhe pas pandemisë

26 Prill 2020, 17:23, Kosova & Bota CNA

Ministri i Punës në Gjermani, Hubertus Heil, po planifikon që ta bëjë ligjore të drejtën e punës nga shtëpia edhe pas pandemisë së koronavirusit.

Ministri Heil, tha për gazetën Bild, se ai synon të paraqesë legjislacionin gjatë kësaj vjeshte.

Sipas tij, bazuar në vlerësimet fillestare përqindja e forcës punëtore që punon nga shtëpia është rritur nga 12% në 25% gjatë krizës së koronavirusit.
Në Gjermani llogaritet se rreth 8 milionë njerëz punojnë nga shtëpia, raporton AP.
“Kushdo që dëshiron dhe që ia lejon puna, mund të punojë nga shtëpia, edhe kur pandemia të ketë mbaruar. Ne po mësojmë gjatë kësaj pandemie se sa shumë punë mund të bëhet nga shtëpia”, tha Heil.

Megjithatë, sipas tij, përmes këtij projektligji nuk do të bëhet e detyrueshme puna nga shtëpia, mirëpo vetëm do të mundësohet një gjë e tillë.
“Njerëzit mund të zgjedhin që të punojnë plotësisht nga shtëpia, ose ta bëjnë këtë vetëm për një ose dy ditë në javë”, tha ai.

Grupi kryesor i punëdhënësve në Gjermani e hodhi poshtë idenë.
Shefi ekzekutiv i Konfederatës së Shoqatave Gjermane të Punëdhënësve, Steffen Kampeter, tha se puna në shtëpi është në interes të të gjithëve kur është e mundur dhe ka kuptim, por “çështjet operacionale dhe kërkesat e klientëve duhet të luajnë një rol kryesor”./Rel





Lajmet e fundit nga