web counter
LEXO PA REKLAMA!

SHKARKO APP

App Store
Google Play

E fundit!

x

Nesër fillon Ramazani/ Kreu i KMSH-besimtarëve: Agjëroni individualisht, s'do ketë iftare dhe adhurime në xhami

23 Prill 2020, 18:45, Sociale CNA

Këtë muaj Ramazani, besimtarët shqiptarë nuk do të mund të falen në xhami dhe nuk do të mund të hanë iftare si vitet e tjera.

Kreu i Komunitetit Mysliman Shqiptar Bujar Spahiu, i bën thirrje besimtarëve që ta kryejnë individualisht në banesat e tyre për shkak të pandemisë.

?Muaji i Ramazanit ka një domethënie shumë të madhe pasi është muaji i unitetit. Koronavirusi na ka provuar dhe do na duhet që ta kryejmë individualisht në shtëpitë tona. Urojmë dhe shpresojmë që kjo pandemi të mbarojë sa më shpejt. Nuk do të ketë as iftare dhe as adhurime të përbashkëta në xhami. Xhamitë janë të pezulluara deri në një vendim të dytë. Dihet shumë mirë që të bëhesh shkak për përhapjen e kësaj sëmundjeje është një gjë shumë e rëndë dhe fetarisht është e ndaluar?, u shpreh Spahiu në një lidhje me Euro News.

Ai i kërkoi besimtarëve që të agjërojnë në kushtet e shtëpisë të gjithë ata që janë në gjendje të mirë shëndetësore.

?Agjërimi i ndryshon sjellje njeriut, e edukon, i sjell gjëra pozitive në jetën e tij, në familje dhe shoqëri. Pandemia nuk na privon që të agjërojmë, pasi agjërimi është individual. Nuk kemi gjë tjetër në dorë përveçse të lutemi që Zoti të na e largojë virusin. Allahu na mbrojtë nga ky virus?, nënvizoi kryetari i KMSH-së./ CNA.al





Lajmet e fundit nga