web counter
LEXO PA REKLAMA!

SHKARKO APP

App Store
Google Play

E fundit!

x

"Për vitin akademik flasin universitetet"/ Shahini: Vendimi për shkollat jepet deri në fund të prillit

22 Prill 2020, 19:09, Sociale CNA

Ministrja e Arsimit, Besa Shahini, deklaron se vendimi për mësimdhënien e metëjshme dhe për hapjene  shkollave do të merret deri në fund të prillit.

Me anë të një videomesazhi në rrjetet sociale, Shahini tha se çfarëdo vendimi të merret, skenarët janë gati për vijimin e situatës.

“Nuk ka ende një vendim final për mbylljen e vitit shkollor, do ta kemi në fund të prillit. Po shohim situatën me koronavirusin sesi po zhvillohet ajo dhe po presim një vendim nga  task forcë për koronavirusin nëse do të kthehemi në shkolla apo jo. Sidoqoftë ne i kemi të gjithë skenarët gati si në rastin që të kthehemi në shkolla si në rastin që nuk kthehemi në shkolla dhe do të zbatojmë njërin nga këto skenarë”, u shpreh ajo, ndërsa theksoi se edhe për mbylljen e vitit akademik nuk është marrë ende një vendim.

“Studentët pyesin për mënyrën si do mbyllet viti akademik. Ne po punojmë ngushtë me rektorët, dekanët, shefat e departamentit që të shohim se çfarë kanë planifikuar universitete e ndryshme për mbylljen e vitit akademik. Ne po koordinojmë punët me ta, por në fund të ditës vendimmarrja është e Universitetit. Por në fund të prillit do të marrim një vendim të përbashkët edhe për mbylljen e vitit akademik”, nënvizoi ajo.





Lajmet e fundit nga