E fundit!

19:42 Aktualitet

Drogë në burgun e Veliajt

Këtë të enjte, në një nga qelitë e burgut të Durrësit, ësh...

"Kërkesat e refuzuara po rishikohen"/ Zv.ministrja e Ekonomisë tregon procedurat për përfituesit e paketës 2

21 Prill 2020, 15:51, Sociale CNA

Zëvendës-ministrja e Financave dhe Ekonomisë, Belinda Ikonomi, ka folur për dy paketat e qeverisë për të ndihmuar qytetarët dhe bizneset gjatë kohës së Covid-19.

Ajo tregoi se që në fillim paketa përfshinte 60 mijë punonjës që përfitonin pagën e luftës, ndërsa sipas saj aktualisht janë miratuar aplikimet për 55 mijë punonjës.

Zv.ministrja pretendon se qeveria është pothuajse në përfundim të paketës së parë dhe rreth 52 mijë janë dorëzuar për të kryer pagesën te thesari.

Ikonomi bëri të ditur se të gjitha kërkesat që janë refuzuar po rishikohen edhe njëherë nga Drejtoria e Tatimeve, e cila po bën edhe verifikimet e duhura.

“Ka pasur shumë aplikime, ka pasur aplikime përtej parashikimeve. Administrata tatimore ka filluar rishikimin e të gjitha refuzimeve. Pra të gjitha kërkesat që janë refuzuar por rishikohen edhe njëherë, për të bërë edhe njëherë verifikimet nëse ka ndonjë mundësi që përsëri të jetë bërë ndonjë gabim dhe ai subjekti i refuzuar të jetë përfitues. Pra këtë verifikim është duke e kryer dhe në një periudhë të shpejtë besoj se do e përfundojë për ta përmbyllur paketën e parë dhe për të filluar te paketa e dytë”, u shpreh ajo në një lidhje me Rtv Ora.

Sipas saj, nga paketa e dytë përfitojnë rreth 176 mijë punonjës dhe ditën e sotme të gjitha subjektet që janë përfituese do t’i vijë një njoftim me email nga sistemi tatimor.

“Aty do të njihen me të gjitha procedurat për të përfituar nga paketa e dytë. Do jetë formulari përkatës. Procedura është e thjeshtë. Ndërkohë nga ana tjetër një thirrje për të gjithë këto biznese që nuk i ka shkuar ky email kanë të drejtë të ankohen dhe strukturuat tatimore duhet patjetër të bëjnë verifikimet e duhura për të parë arsyen pse nuk i ka shkuar email”, nënvizoi Ikonomi./ CNA.al