web counter
LEXO PA REKLAMA!

SHKARKO APP

App Store
Google Play

Serbia ndihmon Kosovën me 1 mijë teste/ Nis peticion për anullimin e tyre

19 Prill 2020, 08:13, Kosova & Bota CNA

Gjatë këtyre ditëve të pandemisë së koronavirusit, duket se mëritë mes Kosovës dhe Serbisë po sheshoheshin, madje Serbia dhuroi 1000 teste si ndihmë humanitare.

Mirëpo një kundërshtim i fortë është hasur në Kosovë, ku është nisur një peticion, me të cilin do t?i kërkohet qeverisë në detyrë ta anullojë menjëherë këtë dërgesë.

Peticioni po përfaqësohet nga gazetari Fitim Çeku dhe aktivistët Granit Geci, Driton Bardheci dhe Endrit Zabërgja.

Në njoftimin e publikuar nga mediat kosovare, thuhet se nuk e duan ndihmën e Serbisë, pasi kujtojnë të gjitha masakrat që i kanë bërë popullit shqiptar.

?Nuk i zëmë besë Serbisë e as nuk e duam lëmoshën e atyre që na djegën e na vranë. Serbia duhet të jap përgjegjësi për masakrat, të pagjeturit, të dhunuarat, të burgosurit politik e rrënimin e ekonomisë në Kosovë, ndërsa përmes pranimit të kësaj ?ndihme?, ne e maskojmë me humanizëm fytyrën kriminale të Vuqiçit dhe ish-vartësve të tjerë të Milosheviçit. Të bashkuar në këtë peticion kërkojmë nga Qeveria në detyrë anulimin e menjëhershëm të kësaj dërgese?, theksohet në njoftim.

Ndërkohë, kundër testeve ka reaguar edhe nënkryetari i OVL-UÇK-së Nasim Haradinaj, i cili ka bërë një kërkesë për Komisionin Hetimor Parlamentar që të hetohet urgjentisht pranimi i tyre.

“Të hetohen urgjentisht pranimi i njëmijë testeve si ndihmë humanitare nga Serbia, të cilat i dënojmë ashpër dhe kërkojmë të mirren masa kundër pranuesve të testeve nga Serbia, sepse janë shkelur të gjitha normat dhe ligjet e aplikushme në Kosovë, pranusi i këtyre testeve Ministria e Shëndetësisë, respektivisht Qeveria Kurti. Gjithashtu ka fyer të gjitha familjet e dëshmorëve, invalidët e luftës, veteranët dhe familjet e të pagjeturve”, deklaron Haradinaj./ CNA.al





Lajmet e fundit nga