E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Fillon seanca parlamentare/ Ruçi nuk kursen kritikat: Të korrigjohen disa veprime, ekonomia të vihet në shërbim të shëndetësisë

16 Prill 2020, 08:25, Politikë CNA

Ka filluar pak minuta më parë seanca parlamentare e jashtëzakonshme, e cila është hapur si çdo herë nga kryetari i Kuvendit Gramoz Ruçi.

Ruçi falenderoi mjekët dhe infermierët e dërguar në Itali për të shërbyer, Policinë e Shtetit, Forcat e Armatosura dhe gazetarët.

“Dua të shpreh mirënjohjen për mjekët dhe infermierët që kanë shkuar në Itali. Ata kanë lartësuar emrin e atdheut tonë të përbashkët. Një mirënjohje shkon për Policinë e Shtetit dhe Forcat e Armatosura, po ashtu shumë mirënjohje edhe për gazetarët që janë në këtë betejë. Kjo betejë nuk do të ishte e njëjtë nëse nuk do të ishin zbatuar masat e qeverisë. Dhe me këtë rast i bëj thirrje që të vazhdojnë të rezistojnë për të mos dalë. Gjithashtu do të falenderoja deputetët që pranuan shkurtimin e pagës”, u shpreh kryeparlamentari.

Ruçi nuk kurseu as kritikat, teksa tha se duhet të përkushtohemi më shumë për shëndetin publik dhe të vemë ekonominë në shërbim të shëndetit e jo në të kundërtën.

“Për jetën dhe shëndetin duhet të përkushtohemi më shumë. Jeta na është dhënë për tu jetuar ndaj duhet ta kursejmë. Së dyti shoqëria, forcat politike, institucionet duhet të korrigjojnë disa veprime se si e shohin rritjen ekonomike nga njëra anë dhe shëndetin nga ana tjetër. Të sigurojmë ekonominë për të siguruar jetën e qytetarëve. Shëndeti publik duhet parë me më shumë kujdes. Sa më shumë të kudesemi për shëndetin publik aq më pak do kemi nevojë për mjete mjekësore. Kjo situatë duhet të na udhëheqë drejt përcaktimit të statusit të mjekëve dhe infermierëve. Duhet të kishin bërë më shumë për ta. Kjo situatë ka shtruar emergjencën e edukatës shëndetësore për parandalimin e epidemisë. Kundër kësaj epidemie çdokush duhet të kujdeset për veten, por ne duhet të hartojmë disa kushte”, deklaroi kryetari i Kuvendit./ CNA.al