web counter
LEXO PA REKLAMA!

SHKARKO APP

App Store
Google Play

E fundit!

x

15 vite burg për shkelësit/ Ballanca: S'mund të ndryshohen rregullat themelore në gjendje të jashtëzakonshme

15 Prill 2020, 17:50, Politikë CNA

Ashtu si shumë organizatta dhe politikanë, edhe Avokatja e Popullit Erinda Ballanca ka kundërshtuar propozimin për ndryshime në Kodin Penal lidhur me dënimet e qytetarëve që shkelin karantinimin.

Drejtuesja e institucionit të Avokatit të Popullit, tha se nuk duhet të dilet në përfundime kaq shpejt për të bërë ndryshime në Kodin Penal, ndërsa theksoi se dispozita të kësaj natyre nuk duhet të miratohen gjatë gjendjes së jashtëzakonshme.

?Në rastin konkret ndryshimet në Kodin Penal po bëhen në mënyrë të përshpjetuar. Kjo nismë ka vetëm pak ditë që është zhvilluar, konkretisht nga data 8 prill që janë paraqitur amendamentet, deri më tani dhe është e tepërt të arrijmë në përfundime kaq shpejt. Nga ana tjetër, kjo është një masë e jashtëzakonshme, nuk është një parashikim që lidhet me situata normale  të njerëzve. Mund të ketë nevojë në Kodin Penal për dispozita të kësaj natyre, por ato nuk duhet të miratohen gjatë gjendjes së jashtëzakonshme.

Komisionit të Ligjeve i kemi shpjeguar nga ana juridike, se pse këto amendamente nuk duhet që të pranohen. Një pjesë e propozimeve tona janë miratuar, pra është përcaktuar se këto masa kanë të bëjnë vetëm në kushtet e fatkeqesësië natyrore dhe në gjendje të jashtëzkonshem për shkak të pandemisë dhe janë paracaktuar disa norma specifike për këtë rast. Por gjatë kohës që vendet janë në gjendje të jashtëzakonshme, nuk mund të ndryshohen disa nga rregullat themelore të shtetit?, tha Ballanca në një lidhje me Euro News./ CNA.al





Lajmet e fundit nga