E fundit!

13:44 Aktualitet

“Në emër të protestës”/ Tallje me flamurin shqiptar, anarkistët e zëvendësojnë me flamingon

Një grup me pikëpamje neomarksiste dhe anarkiste ka shkuar...

Rama "hap" agjensi turistike/ Si po i ndëshkon shqiptarët, për klientelën e Rilindjes

15 Prill 2020, 13:45, Politikë CNA

Pandemia e koronavirusit ka ngjallë një sërë problematikash në shumë vende të botës, përfshirë edhe Shqipërinë.

Por, ndërkohë që ka shkaktuar 25 viktima në Shqipëri dhe po gjunjëzon ekonominë shqiptare, një tjetër problematikë lind për shkak të koronavirusit.

Mbyllja e kufijve, masë kjo e ndërmarrë nga qeveria kundër përhapjes së koronavirusit, ka bërë që shumë shqiptarë të mbeten të bllokuar në Itali, dhe vende të tjera të Europës.

Por, ndërsa në lidhje me këtë situatë sytë e qytetarëve mbeten tek qeveria, kjo e fundit duket se po ?iu kthen krahët?.

Ministrja për Infrastrukturën dhe Energjitikën, Belinda Balluku doli një ditë më parë në një konferencë për mediat, për të sqaruar në lidhje me riatdhesimin e shqiptarëve të mbetur jashtë vendit. Dhe zgjidhja që ofroi qeveria pë rata shqiptarë është kthimi me paratë e tyre. Për më tepër do të hapej edhe një adresë ku do të bliheshin online biletat.

Por, rikthimi dhe akomodimi në disa hotele ?karantinë? do të bëhet me shpenzimet e qytetarëve.

?Shqetësimi juaj për procesin e riatdhesimit ka gjetur zgjidhje. Jemi angazhuar për të zgjidhur më gjerë këtë çështje sensitive, duke krijuar një mekanizëm të sigurt për riatdhesimin e studentëve dhe shtresave në nevojë. Duke filluar nga dita e shtunë, Air Albania do të nisë fluturimet nga disa pika të Evropës. Për të plotësuar kushtet e karantinimint kemi arritur marrëveshje me disa struktura hotelerie në Durrës, që kanë shprehur vullnet për t?u transformuar në struktura karantinimi. Transporti ajror do të kryhet nga Air Albania. E gjithë kjo paketë, ku përfshihet transporti dhe strukturat e hotelerisë do të rezervohen online me pagesa të arsyeshme?, tha Balluku.

Pra, praktikisht qeveria hap një angjenci udhëtimi në këtë kohë pandemie.

Kjo ishte zgjidhja që qeveria Rama, apo Rilindja, dhe për qytetarët e saj.

Por, këtu vlen ti kujtojmë edhe një tjetër detaj kreut të qeverisë. Meqë patetizmi ska lidhje me realizmin e aq më pak të ketë lidhje me halle njerëzish i kujtojmë Ramës se kur u mbyllen kufijtë ?Air Albania? kishte prerë shumë bileta. Shqiptareve ju mbeten biletat në duar sepse u ndërprenë fluturimet.

Po, për këtë kategori çfarë ëndrre ka parë Rilidnja?

Kjo kategori do i presë prapë biletat tani?

Njerëzit mbeten aty, megjithë biletat…

Tani çfarë duhet të bëjnë ata që kanë bileta të prera në Air Albania dhe fluturime të anuluara jo për faj të tyre??

Biletat kanë pasur destinacione të ndryshme, se shqiptarët nuk shkojnë vetëm në Romë! Tani po mësojmë që paska deri ne vise të largëta me “bujqesi” shumë të zhvilluar.

Midis shqiptareve te mbetur jashtë ka edhe nëna me fëmijë të vegjël. Kur Rama gjeti zgjidhjet, kë kishte parasysh? Shqiptarët apo ata dhjetëra personazhe që epidemia i gjeti në vendet e largëta “me bujqësi e bar të shtuar”?

Ata shqiptarë që kthehen, pse nuk mund të rrinë në shtëpitë e tyre, po duhet të paguajnë dy javë në hotele pa asnjë kusht apartamenti?

Koncepti i karantines nuk mund të përzihet me paketa të detyrueshme turistike të paguara nga shqiptarët. Nuk është se Rama nuk kontrollon dot lëvizjet. Lëvizjet kontrollohen edhe nga antenat e telefonisë celulare. Karantina e detyrueshme në struktura të dedikuara do struktura shtetërore. Nëse nuk ka, atëhere karantinimi bëhet në shtëpi.

Po jo tek klientët që kanë paguar Rilidnjen. Shteti nuk është sekser karantino-turistik. Kushti që mund ti vihet shqiptarëve është karantinimi i detyrueshëm në shtëpi. Asnjë vend i botes, nuk i ka detyruar qytetarët e vet të riatdhësuar të qëndrojnë në hotele të zgjedhura nga Rama por të paguara nga qytetarët.

Njerëzit mund të rrinë në shtëpi dhe kontrollohen në shtëpi.

Nuk ke nevojë as ti kërkosh nëpër rrugë. Verfikimi i tyre mund të bëhet shumë thjeshtë edhe duke i marrë në celular. Antenat tregojnë ku ndodhet secili. Shqiptarëve të kthyer u shkohet për verifikim në shtëpi. Por nuk mbyllen tek klientët e qeverisë, me pagesat e veta. Në këtë formë Rama dhe qeveria e tij thjeshtë po kushtëzojnë riatdhesimin me pagesën tek hotelet e zgjedhura prej tyre.

Ka shqiptarë që jetojnë vetëm fare edhe në shtëpitë që kanë në Shqipëri. Pse të shkojnë në hotelin e zgjedhur nga Rama?

Çfarë do hanë për shembull foshnjat te hoteli Ramës? Shishqebap?? Apo paçen e pashitur të Fahriut?

Më tej pastaj njerëzit nuk kanë nevojë vetëm për ushqim 2 javë rresht. Ka nevoja për lavanderi, higjenë, dezinfektim…

Rama me sa duket ka në kokë vetëm modelin e vet ose të atyre shqiptarëve që “pasioni per barin” i ka degdisur tutje dhe larg. Ndaj thotë dy javë le të rrinë në hotel… mundësisht pa brekë që mos kenë nevojë të lajnë rroba.

Po sikur hoteli mos justifikojë kushtet e premtuara?? Si do zgjidhet kontrata e lidhur nga babai i shqiptarëve e të deklaruara me zërin e ministres??

Shqiptarët praktikisht duhet të paguajnë një paketë turistike të marrë si DËNIM, jo si turizëm. Më tej, bëni pagesat thotë Rama.. avionin dhe hotelin, rradhën se kur vjen e ndaj unë..!

Epo e qartë sigurisht. Se duhen të rrinë 3 muaj plot hotelet që kanë zgjedhur. S’mund vinë gjithë peërnjeherë se aq kapacitete kanë hotelet. Vjen një tufe..rri… shikon detin dy javë, ikin ata vjen tufa tjetër.

Shyqyr që kanë ?babain?!

Se me mend që kanë andej do kishin ngordhur! Fundja Rama nuk u dha leje të iknin. Ikën vetë në kokë të vet! Ç’mund të bëjë më shumë Rama! Më ëmbël se kaq nuk ka baba që u flet bijve./ CNA.al