E fundit!

18:49 Kronika

Procedim penal për 11 protestues/ Policia e Tiranës jep detaje

Policia e Tiranës njofton se janë identifikuar dhe procedu...

Projektligji për përjashtimin e importuesve të jahteve nga TVSH/ Tabaku: Qeveria vetëm në shërbim të oligarkëve

14 Prill 2020, 18:33, Politikë CNA

Më 10 prill mazhoranca qeverisëse depozitoi në Kuvend projektligjin për përjashtimin e importuesve apo blerësve të jahteve në Shqipëri nga skema e TVSH.

Për këtë ka reaguar edhe ish-deputetja e Partisë Demokratike Jorida Tabaku, e cila thotë se më të privilegjuarit e qeverisë në këtë kohë krize janë të gjithë ata që importojnë jahte dhe mjete të tjera lundruese.

Tabaku deklaron se është jashtë çdo logjike normale ekonomike dhe njerëzore që në këto ditë të vështira për shqiptarët qeveria shqetësohet dhe harton ligje për të favorizuar ata që blejnë jahte.

“Për më shumë se 5 javë, nisur nga situata e vështirë e pandemisë, opozita ka kërkuar faljen e taksave dhe tatimeve për biznesin e vogël dhe të mesëm si një rrugë për të lehtësuar dhimbjet që po shkakton virusi në ekonomi. Përgjigja e vetme ishte refuzimi kategorik dhe sulmi politik nga ana e kryeministrit. Në kushtet kur paketat ekonomike të qeverisë janë thjesht deklarata dhe aspak të prekshme për shqiptarët, deputët socialistë kanë çuar në datën 10 prill në Kuvendin e Shqipërisë një projektligj që do të përjashtojë nga TVSH (Tatimi mbi Vlerën e Shtuar) importin e jahteve. Pra disa ditë pasi i detyroi bizneset e goditura të vendit të paguanin TVSH-në kokërr më kokërr, qeveria merr vendimin për të përjashtuar importuesit e jahteve.

Me këtë akt qeveria e zgjidh fare lehtë qesen kur bëhet fjalë për blerësit e jahteve, ndërsa për 3 milionë shqiptarët nga të cilët mbi 500 mijë janë të punësuar në privat e njëjta qeveri nuk ka para. Qartë e më qartë e ditë pas dite për 7 vjet me radhë , me çdo veprim dhe ligj të miratuar kjo qeveri dhe ky kryeministër tregojnë se janë thjesht dhe vetëm në shërbim të oligarkëve dhe jo të shqiptarëve. Tashmë ata e dinë mirë dhe e kanë kuptuar se kush është shqetësimi i vërtetë i kësaj qeverie që në kulmin e krizës shqetësohet që të heqë taksat për jahtet në vend që të lehtësojë nga detyrimet ata që janë në kushte më të vështira dhe kanë vërtet nevojë për ndihmën e shtetit”, shkruan ish-deputetja në rrjetet sociale./ CNA.al