E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

"Bode po keqpërdoret"/ Ruçi debat me Gjonin për propozimet: Me neveri them që gabuat rëndë

16 Prill 2020, 08:47, Politikë CNA

Opozita ka kundërshtuar me forcë në seancën e sotme parlamentare propozimet e mazhorancës për ndryshimet në Kodin Penal.

Deputeti Ralf Gjoni ka kundërshtuar propozimet e deputetes së PS-së, Edlira Bode, për të cilën tha se është keqpërdorur.

“Po keqpërdoret një mjeke. Amendamenti i zonjës Bode, në kundërshtim të hapur me procedurën, është i papranueshëm në këto kushte dhe se si është pranuar vjedhurazi në komisionin dhe i bëj këtrkëesë mazhorancës ta tërheqë. Rendi i Ditës nuk mundet të trajtojë sot amendamentin e zonjës Bode për dhunë në familje”, tha ai, ndërsa u përball me kundërshtinë e kryeparlamentarit Gramoz Ruçi.

Ky i fundit i kërkjoi deputetuit të kërkojë falje për fjalën “keqpërdorje” dhe deputeti e bërë këtë gjest duke shpeguar arsyen e përdorimit.

Diskutimi:

Ruçi: Zoti deputet mos spekullo me kërkesën për të folur për procedurë.

Gjoni: Po keqpërdoret…

Ruçi: Juve kërkuar të flisnit për procedurë dhe folët në kundërshtim me nenin procedurës. Shpesh artikuloni dhe kam shumë respekti për mësimin tuaj në perëmdim. Me neveri mund të them që gabuat rëndë kur iu adresuat nismëtares e cila vlen të respektohet, dhe aq më pak, s’ka vend që të anatemohet me ato shprehje që thatë, ndaj kërkoj t’i tërhiqni ato që thatë. Amendimet janë bërë në datën 8 prill me një nismë që është depozituar më 10 janar, kështu që është brenda të gjitha rregullave. Diskutimi është bërë në komisionin e Ligjeve 5 orë e gjysmë ku ju keni qenë pjesëmarrës, kështu që nuk ka vend.

Gjoni: Unë për koleget gra dhe për kolegët burra kam shumë respekt. Ju kërkoj ndjesë nëse fjala ime “keqpërdorim” është keqinterpretuar. Unë nuk e kam zakon të fyejë këdo, por fjalën keqpërdorim e kisha për faktin se i është kërkuar një deputeteje të bëjë një amendim në Kodin Penal ndërkohë që duhet të vinte nga institucionet përkatëse dhe me një diskutim më të gjerë.

Ruçi: Të përshëndes për tërheqjen e fjalës/ CNA.al