web counter
LEXO PA REKLAMA!

SHKARKO APP

App Store
Google Play

E fundit!

x

Ahmetaj shpjegon paketat/ "Armiku i padukshëm po shkrin qëndrueshmërinë ekonomike"

16 Prill 2020, 09:30, Politikë CNA

Ministri i ngarkuar për situatën ekonomike të koronavirusit, Arben Ahmetaj, ka treguar edhe njëherë ndihmat e qeverisë për qytetarët me dy paketa dhe më konkretisht me paketën e dytë.

Ahmetaj tha se paketa e dytë është fokusuar te të papunët për shkak të situatës, te të vetëpunësuarit, por edhe te biznesi i mesëm dhe i madh.

Ai iu përgjigj edhe deputetëve të cilët kritikuan kryeministrin për përdorimin e fjalës armik i padukshëm, teksa tha se po shkrin gjendjen ekonomike të vendit.

“E para për biznesin e vogël të ndaluar për të punuar, prek të punësuar dhe të vetëpunësuar 64 mijë e 142 qytetarë një pjesë e të cilëve rezulton si i punësuar pa pagesë por qeveria e ka kaluar momenti ne të vetëpunësuarit pa pagesë por e ka konsideruar si të punësuar dhe i ka akorduar për 3 mijë 26 mijë lekë. Paketa është fokusuar tek 70 mijë familje në nevojë, me ndihmë ekonomike dhe të gjithave u është dyfishuar pagesa e ndihmës ekonomike që e kalon ndihmën ekonomike për 3 muajt për mars, prill, maj në 160 mijë lekë të vjetra. Ndërkohë pjesë e paketës janë edhe të papunët që përfitojnë pagesë papunësie rreth 2 mijë e 700. Në zyrat e punës sot ka një fluks të rëndësishëm që aplikojnë për pagesë papunësie dhe në maj do ketë brenda grupit që do përfitojë edhe 1 mijë e 500 të tjerë.

Biznesi është ngadalësuar dhe është kthyer në një qytetar në pritje nga ndihma e Buxhetit të Shtetit. Instrumenti i Garancisë i bën të mundur të gjitha sipërmarrjeve të mund të paraqiten në banka me risk zero, ndërkohë që përqindjen e kanë marrë në paketën e dytë të qeverisë. Përderisa situata është dinamike edhe qeveria reflekton në mënyrë dinamike. Paketa e dytë është 7 miliard. Është fokusuar jo vetëm te biznesi i vogël por edhe te biznesi i madh dhe të papunët për shkak të koronavirusit. Shumëkush u tall me armikun e padukshëm, është i padukshëm e po shkrin le të themi përditë atë qëndrueshmërinë ekonomike të një vendi. Paketa e dytë fokusohet tek 100 mijë të punësuar dhe vetëpunësuar në biznesin e vogël, marrin 40 mijë lekë bruto”, deklaroi ministri./ CNA.al





Lajmet e fundit nga