E fundit!

16:59 Aktualitet

Dritan Prençi, kasaphanë me dosjen e inceneratorit të Tiranës

Avokatja Adriana Kalaja e ka cilësuar si kasaphanë punën e...

"Paketa A është e ngushtë"/ Ish-zv.ministri: Nëse do ishte më e zgjeruar s'do kishim 60 mijë të papunë

14 Prill 2020, 20:49, Ekonomi CNA

Ish-zëvendësministri i Ekonomisë dhe Financave, Elton Haxhi, ka folur mbrëmjen e sotme lidhur me situatën ekonomike në të cilën ndodhen vendi.

Ish-zv.ministri kritikoi paketat e qeverisë, për të cilat tha se duhet të ishin më të zgjeruara. Sipas tij, nëse paketat do të ishin më të gjera, mund të mos e kishin këtë numër papunësi në vend.

?Parashikimet fillestare ishin që numri i të papunëve, do të shkonte 90-100 mijë. Për momentin edhe kjo paketa B, konfirmon që janë rreth 66 mijë të papunë. Kryeministri tha se do të mbështesim me një paketë të gjithë të papunët, që kanë rezultuar nga deklarimet e tatimeve deri të enjten. Kush ka dalë i papunë, pas të enjtes, mund të jetë subjekt i një pakete C. Kjo paketa B, mbështet 66 mijë të papunë. Për mendimin tim, mbase paketa A duhet të ishte më e zgjeruar, jo aq e ngushtë. Duke qenë se parashikimi në këtë moment, për një 7 miliardë lek është gjetur, mund të ishte gjetur që kur u anonçuar paketa A, në mënyrë që edhe këta punonjës të kishin një pagesë dhe biznesi të kishte një qartësi dhe siguri, që do kishte një mbështetje për pagat e këtyre punonjësve. Mbase nuk do të kishim 66 mijë të papunë, por do të ishin në punë dhe të garantuar me një pagesë?, u shpreh Haxhi në një lidhje me emisionin “Tv T”./ CNA.al