web counter
LEXO PA REKLAMA!

SHKARKO APP

App Store
Google Play

E fundit!

x

"Hapnin vetëm terror"/ Artan Hoxha tregon si u kthye grupi i Orges Bilbilit nga hajdutë në vrasës me pagesë

13 Prill 2020, 22:26, Kronika CNA

Gazetari Artan Hoxha duket se e ka parashikuar rrezikun e grupit të Orges Bilbilit që u plagos dhe arrestua pak ditë më parë që në vitin 2017.

Në studion e emisionit “Opinion” Hoxha tha se grupi i Bilbilit mund të bëhej i rrezikshëm dhe kërkonte që të merrte më shumë vëmendje.

I ftuar edhe mbrëmjen e sotme në të njëjtin emision, gazetari tha se grupi i këtij personi të shumëkërkuar ka kryer një sërë vrasjesh.

“Në emisionin e 12 tetorit të 2017-ës nuk po bënim parashikim, por unë i kam ndjekur që kur këta kanë qenë 19-vjeçarë, 20 vjeçarë, problemi është që qeveria nuk veproi dhe një grup hajdutësh arriti këtu. Më parë janë marrë me krime ordinere, me vjedhje dhe në vëmendje ka ardhur kur u rrëzua helikopteri në Divjakë. Apeli që tentuam të bënim në atë kohë ishte se nëse nuk reagonte policia pasojat do ishin të mëdhaja”, tha ai, ndërsa pretendon se 30 familje janë larguar nga Lushnja pasi ishin të kërcënuar nga grupi në të cilin bën pjesë Bilbili dhe që sipas tij bëjnë vrasje me pagesë.

“30 famije të larguara kanë marrë statusin e azilantit me dokumentin se janë në rrezik për jetën. Elementi tjetër është që ky është një nga grupet e vrasjeve të rrezikshme me pagesë që kanë bërë krime edhe në Lushnje, edhe në Vlorë, edhe në Durrës. Janë shumë ngjarje në Lushnje me persona krejtësisht të pafajshëm. Ata kryenin vrasje të tilla që kërkonin të shkaktonin terror”, nënvizoi gazetari./ CNA.al





11:19 Kronika

….në dyert e SPAK

Dosja 184, do të duhej të ishte prova e parë për prokurorët ...

Lajmet e fundit nga