web counter
LEXO PA REKLAMA!

SHKARKO APP

App Store
Google Play

E fundit!

x

Ahmetaj shpjegon paketën e dytë/ Personat që përfitojnë dhe lehtësirat me pagesën e tatim-fitimit

14 Prill 2020, 15:34, Sociale CNA

Koordinatori për situatën ekonomike nga Covid-19 Arben Ahmetaj ka shpjeguar sërish paketën e dytë të qeverisë.

Ahhmetaj tregoi edhe njëherë se nga kjo paketë do të përfitojnë të gjithë ata persona që kanë mbetur të papunë për shkak se janë shkarkuar nga bizneset të cilat nuk mund ta përballojnë situatën. Ministri tha se gjithashtu përfshihen të gjithë personat e vetëpunësuar dhe sektori i turizmit.

“Në këtë kategori hyjnë të gjjithë ata që janë pushuar nga punë për shkak të ngadalësimit ekonomik. Jana 66 mijë qytetarët të dcilët marrin 400 mijë lekë të vjetra neto. Kjo është kategoria e parë. Kategoria e dytë është ajo prej 100 mijë qytetarësh që praktikisht janë duke kaluar një situatë tejet të vështirë, i përkasin të punësuarve dhe të vetëpunësuarve. Përfshihen brenda të gjithë ata punonjës dhe familje që janë të punësuar dhe vetëpunësuar në biznes të vogël dhe kanë humbur komplet ose pjesërisht punën. Në vazhdim të paketës kemi dhe 10 mijë të punësuar, familje në sektorin e turizmit, nuk ka rëndësi nëse janë apo s’janë sot në listëpagesë por kanë qenë në momentin kur është shpallur gjendja Covid-19. Me këtë mirë bëhen 176 mijë qytetarë që përfitojnë nga paketa Rama 2”, u shpreh ai në një lidhje me News 24, ndërsa foli edhe për lehtësirat me pagesën e tatim-fitimit.

“Kemi lehtësi të konsiderueshme fiskale, kemi fasonë, turizmin, call center dhe gjithë bzinesi i vogël që i shtyhen pagesat e tatim-fitimit pas 31 dhjetorit të këtij viti. Të gjithë bizneset e tjera, bankat, kompanitë e telekomunikacionit, kompanitë e ushqimeve apo farmaceutike u shtyhet tatim-fitimi deri në fund të shtatorit të këtij viti dhe i riskedulohet për periudhën tjetër të vitit”, nënvizoi Ahmetaj./ CNA.al





Lajmet e fundit nga