E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Shtimi i rasteve të të prekurve me Covid-19/ Bashkia Shkodër merr masa shtesë

13 Prill 2020, 15:19, Sociale CNA

Bashkia e Shkodrës ka marrë disa masa shtesë për shkak të situatës në këtë qytet ku ditët e fundit është shtuar ndjeshëm numri i të prekurve me koronavirus.

Bashkia bën me dije se në tregun pranë Merkatës së Rusit, duke filluar nga nesër do të tregëtojnë sipas radhës një ditë tregëtarët që kanë kontratë për hapësirë tregëtimit të shënuar me numër çift dhe ditën tjetër tregëtarët që kanë kontratë për hapësirë tregëtimit të shënuar me numër tek.

Gjithashtu u kërkohet të gjithë tregëtareve të mos ekspozojnë mallrat dhe produktet ushqimore dhe industriale jashtë dyqaneve, në hapësirën publike.

Në tregun Zdrale ndalohet tregëtimi dhe hapja e tregut për një periudhë dy – javore, për subjektet që shesin me pakicë dhe në shumicë në këtë treg dhe këkrkohet lirimi i hapësirës publike për një periudhë dy javore.

“Të gjithë subjekteve tregëtare në Shkodër u kërkohet:

Respektimi i masave higjeno-sanitare të shitjes së produkteve ushqimore dhe të tjera në ambjentet e tregëtimit.

Marrja e mbrojtëse shtesë për punonjësit që shërbejnë për klientët.

Përmirësimi i vijëzimit dhe sinjalistikës për mbajtjen e radhës dhe distancës së duhur fizike orientuese për klentët.

Ndalohet ekspozimi i produkteve ushqimore dhe industriale jashtë dyqaneve, në hapësirën publike.

1. Të gjitha subjektet, bare dhe restorante, aktualisht të mbyllura në respektim të masave kufizuese, u kërkohet që sot, brenda ditës, të lirojnë hapësirën publike në përdorim, të largojnë të gjithë karriget dhe mjetet të tjera.

2. Të gjithë banorëve të Bashkisë Shkodër u kërkohet marrja e masave shtesë për respektimin e distancës fizike, marrjen e masave shtesë për mbrojtjen vejake dhe të familjes me maska dhe doreza gjatë lëvizjëes së autorizuar për kryerjene shërbimeve për familjen.

3. Të gjithë banorëve u kërkohet të pajisen me autorizimin përkatës dhe vetëm për të kryer shërbimet e blerjet e domosdoshme për familjen”, thuhet më tej në vendim.

Bashkia e Shkodrës paralajmëron qytetarët se në rast mos zbatimi të këtij vendimi do të veprojë me masat adminstrative përkatëse./ CNA.al