web counter
LEXO PA REKLAMA!

SHKARKO APP

App Store
Google Play

45-vjeçari në Shkodër u raportua si viktimë e koronavirusit/ Ministria përgënjeshtron lajmin

13 Prill 2020, 14:09, Sociale CNA

Ditrën e sotme në media u raportua se kishte humbur jetën në Shkodër një 45-vjeçar i konfirmuar me koronavirus.

Lidhur me këtë ka reaguar edhe Ministria e Shëndetësisë e cila përgënjeshtron lajmin.

Ministria bën me dije se 59-vjeçari, me inicialet M.S., nga Puka, ndodhej në gjendje kome në spitalin rajonal të Shkodrës dhe ka ndërruar jetë në spital, si pasojë e hemorragjisë cerebrale (aksident cerebral vascular) dhe jo si pasojë e COVID-19, nga i cili ka rezultuar bartës ditën e djeshme, por pa simptoma të COVID-19.

“Ministria e Shëndetësisë informon se në Shkodër ka nisur një hetim epidemiologjik, pas konfirmimit të një infermiereje të spitalit rajonal Shkodër pozitiv në 24 orët e fundit (rasti i personelit shëndetësor i raportuar në deklaratën për media të ditës së sotme).

Sipas epidemiologëve dhe përfaqësuesve të Institutit të Shëndetit Publik që po kryejnë hetimin epidemiologjik në terren, dyshohet se ky rast është i lidhur me rastin e infermieres, e cila, sipas hetimit epidemiologjik, është infektuar në komunitet.

Nga rezultatet e testimeve të kryera në spitalin e Shkodrës, në 10 pacientë të shtruar që kanë qenë në kontakt me infermieren e infektuar, kanë rezultuar 4 pacientë të prekur, në gjendje të rëndë shëndetësore për shkak të patologjive për të cilat po trajtohen, por pa simptoma përsa i takon COVID19.

Njëri prej tyre, 59-vjeçari me inicialet M.S. ka ndërruar jetë, ndërsa tre pacientë të tjerë që janë bartës të COVID19 janë transferuar gjatë ditës së sotme në dy spitalet COVID”, thuhet në njoftim.

Ministria e Shëndetësisë deklaron se po vijon hetimi epidemiologjik në Shkodër dhe do të mbajë të informuar publikun për çdo zhvillim./ CNA.al





Lajmet e fundit nga