web counter
LEXO PA REKLAMA!

SHKARKO APP

App Store
Google Play

Shkurtimi i punonjësve në biznese/ Dhomat e Industrisë dhe Tregtisë pakt social Ramës

12 Prill 2020, 20:35, Sociale CNA

Shumë prej bizneseve kanë shkurtuar stafin e punonjësve për shkak të situatës së krijuar nga koronavirusi dhe krizës ekonomike që po sjell.

Kryetarja e Bashkimit të Dhomave të Industrisë dhe Tregtisë, Ines Muçostepa tregon se lidhur me këtë çështje do t’i propozojë qeverisë një pakt social.

“Ajo çfarë ne kemi kërkuar dhe mund të propozojmë që ditën e nesërme është një pakt social. Kompani të mëdha janë duke vuajtur fenomenin e largimit të stafit të tyre, është një moment që duhet të reflektojmë të gjithë. Asnjë sipërmarrës nuk ka dëshirë të çojë në shtëpi personat që i ka kualifikuar vetë dhe deri këto momente i kanë mbajtur të gjithë ekonominë e ndërmarrjes.

Nuk është një zgjedhje por shumë nga këto kompani kanë një krizë ekzistenciale dhe e kanë të detyruar këtë zgjedhje. Ajo që mund të jetë si zgjidhje për bizneset e mesme dhe të mëdha është një paketë, që do të quaja pakt social, ku shteti dhe këto kompani arrijnë ti mbajnë këto njerëz në punë, ndoshta jo me pagën reale, por duke u bazuar në ndarjen e kostos të një page minimale dhe kështu nuk do të largohen këta njerëz nga puna dhe nuk do të shtohet papunësia. Brenda datës 15 prill do të dalë dhe paketa e dytë ekonomike e qeverisë”, u shpreh ajo në një lidhje me Rtv Ora./ CNA.al





Lajmet e fundit nga