web counter
LEXO PA REKLAMA!

SHKARKO APP

App Store
Google Play

Ushtronin lojëra fati në një lokal/ Procedohen 5 persona në Pogradec

11 Prill 2020, 12:01, Kronika CNA

Policia e Pogradecit ka proceduar penalisht dhe administrativisht pronarin e një lokali, si dhe 4 persona.

Mësohet se shtetasi me iniciale A. B., 35 vjeç, kishte hapur lokalin në kundërshtim me Aktin Normativ dhe e vuri në dispozicion për të ushtruar aktivitet të kundërligjshëm të lojërave të fatit.

Ndërkohë të rinjtë me iniciale E. K., 34 vjeç, F. B., 34 vjeç, S. B., 27 vjeç dhe V. K., 23 vjeç, banues në Pogradec, u proceduan pasi u kapën duke luajtur lojëra fati të palejuara.

Në cilësinë e provës materiale u gjetën dhe sekuestruan një tavolinë pokeri, çipsa dhe letra bixhozi.

Bazuar në Aktin normativ Nr. 3, datë 15.03.2020, neni 3, pika 7 dhe 17, pronari i lokalit u ndëshkua me masë administrative në vlerën 1 milion lekë, ndërsa 4 të tjerët në vlerën 10.000 lekë të reja.

Sakaq, materialet në ngarkim të tyre i kaluan Prokurorisë pranë Gjykatës së Shkallës së Parë Pogradec, për veprën penale “Organizimi ose ushtrimi i veprimtarive të lojërave të fatit në kundërshtim me ligjin, kryer në bashkëpunim”./ CNA.al





Lajmet e fundit nga