web counter
LEXO PA REKLAMA!

SHKARKO APP

App Store
Google Play

E fundit!

x

Mblidhet Komisioni për Ekonominë dhe Financat/ Shqyrtohen dhe miratohen dy projektligje

9 Prill 2020, 14:58, Ekonomi CNA

Komisioni për Ekonominë dhe Financat ka zhvilluar një mbledhje virtuale në drejtimin e kryetares, Milva Ekonomi.

Gjatë mbledhjes janë shqyrtuar dhe miratuar dy projekt-iligjet: ?Për ratifikimin e marrëveshjes së huas, ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim, për politikën për zhvillim për aksesin e barabartë gjinor në mundësitë ekonomike? dhe ?Për ratifikimin e marrëveshjes së financimit, ndërmjet Këshillit të Ministrave të Republikës së Shqipërisë, Republikës së Kosovës dhe Komisionit Evropian, për programin e veprimit të bashkëpunimit ndërkufitar IPA II, Shqipëri-Kosovë 2014-2020, alokimet për vitin 2018?.

Deputetja Senida Mesi, si relatore e projektligjit të parë, theksoi se vitet e fundit Shqipëria ka bërë përparime në fushën e barazisë gjinore, e që prej vitit 2016 janë bërë përpjekje të vazhdueshme për nxitjen dhe mbështetjen e sipërmarrjeve të biznesit, të drejtuara nga gratë, sidomos në drejtim të rritjes së numrit, kapaciteteve drejtuese dhe aksesit në financë të këtyre sipërmarrjeve.

Në shifrat e relatuara, Mesi sqaroi se në fushën e barazisë gjinore ka 28 programe buxhetore në PBA 2018-2020, 33 programe buxhetore në PBA 2019-2021 dhe 36 programe në 2020-2022.

Përsa i përket projektligjit të dytë, deputeti Rolant Xhelilaj tha se marrëveshja
synonte sigurimin e mbështetjes financiare të BE-së për Shqipërinë, në kuadër të Instrumentit për Asistencën e Paraanëtarësimit (IPA II), për realizimin e Programit të Veprimit të Bashkëpunimit Ndërkufitar Shqipëri-Kosovë për alokimet e vitit 2018./CNA.al





Lajmet e fundit nga