web counter
LEXO PA REKLAMA!

SHKARKO APP

Rakacolli: Nëse ecim me këto shifra javën tjetër do të lehtësohen masat

8 Prill 2020, 20:48, Lifestyle CNA

Zëvendës-ministrja e Shëndetësisë, Mira Rakacolli, foli për shifrat e të prekurve nga koronavirusi dhe paraqitjen e kurbës në vendin tonë.

Ajo tha se shifrat aktualisht janë të stabilizuara, ndërsa theksoi se nëse vazhdohet me këtë ritëm javës tjetër do lehtësohen masat.

“Nëse ecim në këto shifra java tjetër do të jetë java e lehtësimit të masave. Ky është mendimi i ekspertëve. Vetëm duhet të kuptoni se nëse u shkëputëm në mënyrë të menjëhershme, nuk do të kemi një kthim në normalitet në mënyrë të menjëhershme, por në mënyrë graduale”, u shpreh Rakacolli në një lidhje me emisionin “Repolitix”.

Zv.ministrja tregoi se në rast se do të lehtësohen masat, do krijohet më tepër siguri për të shmangur grumbullimet e qytetarëve.

“Nga hapja e bareve, kafeve, restoranteve jemi ende larg, po mendojmë për lehtësimin në drejtim të jetës dhe punës. Gjërat që do të kenë grumbullime është akoma herët, këtu përfshihen edhe shkollat. Pra pikatorja nuk do të përdoret për ato vende ku nuk krijon grumbullime. Do shikohet se aty ku mund të krijohet siguria më e madhe dhe të mos kthehet në vatër infeksioni do të shohim mundësinë nëse mund t’i hapim. Kjo do të bëhet në konsultim me ekspertët”, nënvizoi Rakacolli./ CNA.al





Lajmet e fundit nga