Koronavirusi/ Mjeku këshilla për gratë shtatzëna: Janë shpresa jonë, duhet të rrinë të qeta!

8 Prill 2020, 11:07, Lifestyle CNA

Zv.drejtori i maternitetit të ri ?Koço Gliozhen?, Ilir Tasha qetësoi nënat shtatzënë duke thënë se ato janë më imune krahasuar me pjesën tjetër të popullsisë përballë Covid-19, por kjo nuk do të thotë se nuk duhet të respektojnë njësoj si të gjithë masat e marra.

“Nëna paraqet një lloj imuniteti krahasuar me pjesën tjetër të popullatës. Ky është një sinjal pozitiv, një lajm i mirë që duhet tua themi nënave, që mund të jenë të ngarkuar emocionalisht. Kjo nuk do të thotë që të sillen ndryshe nga popullata, duhet të respektojnë masat si pjesa tjetër e qytetarëve. Mund të kryejnë aktivitetin e përditshëm, por duhet të respektojnë masat. U bëj thirrje grave shtatzënë që të tregohen të sinqerta për çdo lloj kontakti që kanë pasur. Për shqetësimet flasë të mos drejtohen pranë institucionit pa komunikuar me mjekun”-tha Tasha, në një lidhje për Report Tv.

Në maternitetin e ri ‘Koço Gliozheni’, nuk ka pasur raste të konfirmuara pozitiv, e megjithatë, siç shpjegon zv. drejtori, është krijuar një infrastrukturë e veçantë e izoluar për gratë që kanë simptoma të Covid-19 dhe trajektorja e shërbimit ndaj tyre është krejtësisht e ndryshme.

“Kemi ngritur një infrastrukturë të veçantë, ku çdo pacientë që kemi dyshime se është prekur me COVID, ka një trajektore krejt të veçantë nga nënat e tjera shtatzënë që nuk kemi asnjë dyshim. Është shtuar një infrastrukturë e izoluar që ka të gjithë asistencën njerëzore, me medikamente. Ne çdo pacient që hyn në institucion, e konsiderojmë të infektuar. Masat janë të tilla që ne nuk mendojmë se kemi të bëjmë me pacient normal,por me risk të lartë. Kemi ofruar arsenalin e mundshëm, përparëset një përdorimshme, kasat për mbrojtjen e kokës, shërbim të rojes dhe të pranimit dhe të gjitha hallkat e shtrimit të pacientët”, shtoi zv. drejtori.

Në fund e mbyll me një mesazh drejtuar të gjithë grave që në këtë periudhë presin të lindin një fëmijë, të rrinë të qeta sepse ato janë shpresë, buzëqeshje për të gjithë ne.

“Rrini të qeta, jeni të sigurt, cilësia e shërbimit nuk do të cenohet. Ju jeni e vetmja, shpresë, jen sinjali pozitiv, por e vetmja buzëqeshje në këtë që po kalon bota”, përfundoi Tasha.