web counter
LEXO PA REKLAMA!

SHKARKO APP

App Store
Google Play

E fundit!

x

Pipero rrit shpresat/ "Në fund të javës fillon rënia e kurbës, piku u arrit javën që kaloi"

7 Prill 2020, 19:51, Lifestyle CNA

“Fundi i kësaj jave dhe fillimi i javës tjetër do të ketë doemos fillimin e rënies së qëndrueshme të epidemisë në vendin tonë.

Kështu deklaroi mjeku Pëllumb Pipero mbrëmjen e sotme, teksa foli për shifrat e të prekurve në vendin tonë.

Pipero tha në emisionin “Tempora” se sipas mendimit të tij, në javën që kaloi kurba ka arritur pikun apo maksimumin e mundshëm në Shqipëri.

“Duhet të kemi në konsideratë që kurba tek ne mbetet e zbutur për shkak të masave të marra nga qeveria. Pra ne nuk kemi një kurbë të ashpër, kemi një kurbë të zbutur dhe kur kurba është e zbutur do të thotë që rënia e saj është graduale dhe relativisht më e gjatë. Natyrisht e kam thënë dhe më parë, fundi i kësaj jave dhe fillimi i javës tjetër do të ketë doemos fillimin e rënies së qëndrueshme të epidemisë në vendin tonë. Unë mendoj se fundi i prillit do të ketë raste shumë të pakta. Por kam frikën se edhe maji do të ketë raste sporadike. Për të qenë të çliruar nga epidemia do të duhen së paku një muaj nga rasti i fundit i konfirmuar. Ndaj them që do jetë pak më i gjatë. Ndoshta këto ditë apo nga fundi i kësaj javë do të jetë fillimi i fundit që relativisht do të jetë i gjatë. Pra duhet doemos të jemi shumë të kujdesshëm”, nënvizoi mjeku./ CNA.al





Lajmet e fundit nga