“Koronavirusi ka qarkulluar në Shqipëri që në janar”/ Epidemiologu: Ja kur do bjerë kurba

7 Prill 2020, 16:13, Lifestyle CNA

Mjeku epidemiolog Eduard Kakarriqi, ka treguar se aktualisht kurba e infektimeve me koronavirus në vendin tonë është horizontale dhe sipas parashikimeve do vijë duke rënë në fund të muajit.

“Janë 182 teste dhe nga këto kanë dalë 6 raste, por nga këto teste mund të dilnin edhe 22 raste. Ne jemi në fazën kur kurba është horizontale dhe me një tendencë rënie që nuk vihet shumë re por me shumë mundësi në fund të muajit do të bjerë dhe në fillim të muajit tjetër do të duket ndjeshëm”, tha ai në një lidhje me Abc News.

Ai tha se pacientët e infektuar ndahen në tre grupe, i pari është ai i pacientëve që mjekohen nga shtëpia, i dyti ai që është shtruar në spital dhe i treti i atyre që janë në gjendje të rëndë shëndetësore. Epidemiologu pretendon se virusi në vendin tonë ka ardhur që në muajin janar

“Mund të them se ky numër rastesh ka qenë që në muajin janar, në 20 janar unë kam nxjerrë disa shifra ku kanë qenë rreth 54 raste të identifikuara viroligjikisht dhe në shkurt 123 dhe në 17 shkurt 153 raste dhe në këtë shifra në fund të shkurtit dhe fillim të marsit në këto raste ka pasur vdekje. Unë dua të vë theksin se OBSH vetëm me datën 27 shkurt publikon përkufizon publikimin e rastit për pacientët me sëmundje Covid-19 ky përkufizim rasti i munguar për të gjithë vendet mund të jetë një bazament që të tregojë se vërtet ka pasur një qarkullim të Covid-19 duke filluar që në janar në vendin tonë. Ky qarkullim ka ardhur duke u rritur për të marrë më shumë në fund të javës së dytë të shkurtër në fillim të marsit një formë për ulje ngritje, por me një pritje drejt uljes së vet në fund të prillit dhe fillim të majit. Janë fakte pak a shumë jo të drejtpërdrejta që qarkullimi i Covid në vendin tonë fillesat i ka në janar”, nënvizoi ai.

Mjeku thotë se kjo dikton pritjen për rënien e kurbës është për një kohë të afërt. Ai theksoi se sipas mendimit të tij, në gjysmëne dytë të muajit maj do ketë rënie të vogla rastesh, ndërsa muajt e verës do të jenë më të qetë.

“Unë në gjykimin e tim mendoj se gjysma e dytë e muajit maj do të jetë në një rënie jo të vogël rastesh, do të kalojë në një kurbë të rasteve sporadike për të kaluar më pas në qershor, dhe korrik muaj të qetë të verës. Por për gjykimin tim për të mos pasur një rikthim në vjeshtë. Për mua në verë virusi zhduket. Në Shqipëri dhe në Evropë. Në Amerikë jo them, ndoshta nga fundi i verës, dhe nga fundi i verës ai mbetet vetëm në Kinë”, u shpreh ai./ CNA.al