web counter
LEXO PA REKLAMA!

SHKARKO APP

App Store
Google Play

E fundit!

x

"Shkalla e infektimeve është e ulët"/ Kreu i OBSH në Shqipëri flet për mungesën e testimeve

6 Prill 2020, 20:40, Lifestyle CNA

Kreu i Organizatës Botërore të Shëndetësisë për Shqipërinë, Raul Gonzales Monteros, shprehu ngushëllimet për familjarët që kanë humbur të afërmit në betejën me koronavirusin.

Ai tha se pavarësisht shifrave, gjërat në Shqipëri po shkojnë në një mënyrë pozitive, pasi pretendon se masat janë marrë në kohën e përshtatshme.

“E kuptoj që ky izolim për shumë njerëz është shumë i vështirë për të jetuar me të, por ka një impakt dhe ka një rezultat, dhe ne duhet të jemi shumë të lumtur për këtë. Shkalla e infektimeve është e ulët, e qëndrueshme, dhe kjo është si pasojë e masave të forta që janë marrë nga qeveria dhe më e rëndësishmja, është si pasojë e bashkëpunimit të popullsisë me këto rregulla. Unë dua të përgëzoj qytetarët shqiptarë që kanë bashkëpunuar me këto masa”, u shpreh ai në një lidhje me Euro News.

Raul Gonzales deklaroi se autoritetet shqiptare po i ndjekin udhëzimet e OBSH-së, ndërsa foli edhe për numrin e testimeve.

“Mungesa e testimeve nuk është një problem vetëm në Shqipëri, shumë shtete janë duke hasur vështirësi shumë të mëdha për t?i pasur testet, por Shqipëria ka bërë teste bazuar në udhëzimet e OBSH sipas rasteve. Jam i sigurt se në ditët në vijim, në javët në vijim, numri i testeve do të rritet, jo vetëm me testet PSI, që janë aktualisht të vetmet në përdorim, por edhe me mënyra të tjera, si çdo shtet tjetër po bën. Dua të them, njerëzit po kërkojnë më shumë testime, por duhet të kujtojmë që kjo nuk është një situatë për testimin e të gjithë popullsisë”, vijoi ai.

Kreu i OBSH-së në Shqipëri theksoi se rezultatet në vendin tonë kanë qenë të mira dhe se politika e implementuar nga qeveria nuk ka rezultuar e suksesshme.

Ai tregoi se ashtu si në shtete të tjera edhe në Shqipëri po bëhen teste gjaku për të njohur antitrupat ose imunitetin e popullsisë, që të lejohen të fillojnë  të punojnë.

“Kjo është një pikë shumë e mirë, kjo është një gjë shumë e rëndësishme që ne po bëjmë. Ju e dini tanimë, ne e quajmë një testim i thjeshtë shumë i shpejtë, por që nuk janë njohur ende nga OBSH, sepse nuk po funksionojnë, nuk kemi ende mjaftueshëm prova që të vlerësojmë këtë testim dhe kjo duhet bërë në mënyrën e duhur. Por strategjia për testimin e antitrupave është shumë e mirë, sepse në atë moment kemi më shumë njohuri rreth epidemisë, si është transmetuar, njerëzit që ka prekur më shumë. Me shumë rëndësi, keni një instrument që mund të vendosë se kush mund të shkojë i sigurt  në punë dhe kush duhet të marrë masa të veçanta. Shumë shtete po e bëjnë këtë, shumë shtete po kalojnë në testimin e antitrupave dhe është një tjetër instrument, jo për të diagnostikuar njerëzit e prekur, sepse këto teste nuk bëhen pozitive deri në ditën e shtatë të fillimit të simptomave, kjo nuk jep shumë hapësirë për të marrë vendime, por ajo që ju propozoni ësht një instrument shumë i rëndësishëm, që na lejon të çojmë dikë në punë me më shumë siguri”, nënvizoi ai./ CNA.al





Lajmet e fundit nga