web counter
LEXO PA REKLAMA!

SHKARKO APP

App Store
Google Play

E fundit!

x

Tritan Kalo kritikon mediat/ Thirrja e fortë për qytetarët

5 Prill 2020, 21:38, Lifestyle CNA

Mjeku Tritan Kalo ka bërë thirrje të forta për qytetarët, të cilët nuk po i respektojnë rregullat dhe rrezikojnë veten e të tjerët nga koronavirusi.

Kalo kërkon që qytetarët të ndërgjegjësohen, pasi thotë se po luajnë “Kukamçefti” duke u denduar rrugëve për 8 orë. Ai thotë se në po vijojmë dhe e gënjejmë veten, se po i fshihemi rrezikut të infektimit prej tij, duke qëndruar të mbyllur në shtëpi deri të nesërmen, kur t’ia mësyjmë sërish rrugëve të qyteteve tona.

Mjeku gjithashtu kritikon mediat që transmetojnë gjatë gjithë kohës emisione disaorëshe për të sëmurët me COVID-19.

“Për fatin tonë të keq, ankthin e mbylljes na e shtojnë emisonet disa orëshe televizive me të sëmurët me Covid-19 në Shqipëri dhe nëpër botë, me të vdekurit e shumtë të kësaj ?flame? dhe ne pak shumë pak shohim art viziv, histori, gjeografi, dëgjojmë muzikë, humor, mënçurira e optimizëm socio-historiko-ekonomik nga këto ekrane.

Ekspertiza ?COVIDIANE-19? po që edhe ajo vijon e rrjedh si lumë nga këto ekrane, dhe ?i ziu qytetar i këtij vendi? nuk di se çfarë të bëjë?. Protagonizmi i kërkuar me çdo çmim e mjet në këto kohë shumë-shumë gri për shoqërinë tonë, është i dëmshëm dhe jo produktiv si në planin individual po ashtu edhe në atë shoqëror”, shkruan ai në rrjetet sociale, ndërsa bën edhe një thirrje të fortë për qytetarët.

“Bashkëkombasit e mi, qëndroni në shtëpi, lexoni, dëgjoni muzikë, gëzojuni pranisë së fëmijëve dhe të afërmve tuaj, gatuani, flisni e flisni me plot dëshirë e pathos për jetën me të dashurit tuaj, për aq kohë sa edhe ritmi i jetës ende nuk ju ka ripërfshirë në vorbullën e saj, sepse jeta nuk është vetëm ?zhytje në Detin e Zi të Covid-19?, dhe se çdo e keqe sado e madhe qoftë ajo paska edhe ndonjë element ?mirësie? brenda saj. Mbi të gjitha kurrë të mos ju mungojë solidariteti me ata, që e përballojnë jetën në mesin shumë e shumë vështirësive. Janë nënat, baballarët, motrat, vëllezërit e fëmijët tanë edhe ata. Ndasitë socio-ekonomike të krijuara në këto 30 vite domon-kraci janë ulëritëse, sepse në mënyrë pameritore shumë individë që deri dje ?brekëgrisur e barkëtharë i gjeti mëngjesi, milionerë i zuri nata?, vetëm e vetëm sepse përftuan nga politikat rrënuese të ardhmërisë sonë. Nuk ka Covid-19 që ta?a zhdukë këtë plagë ?të dhimshme e qelbrrjedhëse? të shoqërisë sonë të shpërfyturuar. Me durim e besim ne do t’ia dalim mbanë betejës kundër Covid-19, dhe koha postkovidiane detyrimisht që do të duhet të jetë ajo e korigjimeve të pabarazive socio-ekonomiko-politike, nëse ende ne bartim në zemër dëshirën e flaktë të të qënurit shqiptar, si dhe atë të mbrojtësimit të mëmëdheut tonë të përbashkët”, nënvizon më tej Kalo./ CNA.al





Lajmet e fundit nga