web counter
LEXO PA REKLAMA!

SHKARKO APP

App Store
Google Play

E fundit!

x

Kardiologu tregon si ndikon COVID-19 te personat me zemër/ Kritikon paralizimin e aktivitetit ekonomik

4 Prill 2020, 17:49, Lifestyle CNA

Kardiologu Sabit Brokaj ka folur pasditen e sotme lidhur me rrezikun e infektimit me koronavirus të personave që vuajnë nga sëmundje zemre.

Brokaj tha se koronavirusi është edhe më shumë agresiv te personat me sëmundje zemre, pasi theksoi se COVID-19 shkatërron qelizat muskulare të zemrës.

?Edhe virozat e zakonshme mund të japin probleme tek zemra. Raste të tilla kemi pasur unë dhe kolegët e mi me përvojë. Ky virus është shumë agresiv dhe shumë shkatërrues në qelizat muskulare të zemrës. Shumë persona me zemër më kanë pyetur për situatën?, u shpreh mjeku në emisionin “Kjo Javë”.

Ndërkohë, për masat e marra nga qeveria, kardiologu kritikoi qeverinë, sepse sipas tij nuk duhet ndaluar kaq shumë aktiviteti ekonomik. Ai nuk preferoi të japë një datë për pikun apo uljen e rasteve, por tha se kurba është në rritje.

?Mund të themi se është fillimi i kurbës në rritje. Unë gjykoj që masat e qeverisë kanë ndikuar mjaft mirë. Duheshin këta masa, pasi kemi të bëjmë me epidemi dhe duhet mbajtur distanca sociale. Mendoj se trajtimi me këtë situatë ka qenë shumë i mirë. Është e ngutshme të flasim tani për bilanc, por për bilanc duhet folur vetëm në fund. Vdekshmëria apo sëmundshmëria thuhet në fund.

Mendoj se mund të ketë masë lehtësuese. Nuk ke pse paralizon aktivitetin ekonomik në tërësi. Në periferi mund të bësh lëshime. Lëshimet duhet të jenë nga ana tjetër më të matura?, nënvizoi Brokaj./ CNA.al





Lajmet e fundit nga