web counter
LEXO PA REKLAMA!

SHKARKO APP

App Store
Google Play

Manastirliu flet për debatin e testimeve/ "Nëse epidemiologët na kërkojnë t'i shtojmë, ne i përballojmë"

8 Prill 2020, 15:41, Lifestyle CNA

Ministrja e Shëndetësisë, Ogerta Manastirliu, deklaroi edhe njëherë se nuk është qeveria ajo që vendos për numrin e testimeve në Shqipëri, por Komiteti i Ekspertëve.

Ajo tha se nëse ata i kërkojnë ministrisë dhe qeverisë për më shumë teste, këta të fundit do t’i përballojnë.

“E ka thënë dje komiteti teknik i ekspertëve se strategjia që ata kanë ndjekur është një strategji e mirëpërcaktuar. Synon të identifikojë rastet, të ndjekë ato dhe të ndërpresë zinxhirin e infeksionit dhe nisur nga të dhënat që kanë deri më sot nuk e kanë rikonsideruar ndryshimin e strategjisë. Por ne si qeveri jemi të gatshëm që nëse komiteti i ekspertëve kërkon ta ndryshojë këtë strategji për efektet, të cilat mund të pasojnë në të ardhmen ndryshimi i strategjisë së testimit, dalja e testeve të reja, testeve të shpejta, apo studime që mund të kryehen në terren, patjetër që ne jemi të gatshëm ti mbështetim dhe ti ofrojmë të gjitha kapacitet e nevojshme në sistem”, u shpreh ministrja në një lidhje me Rtv Ora.

Manastirliu theksoi se çdo ditë shteti shqiptar furnizohet me kite testimi dhe se aktualisht situata është e përballueshme.

“Ne furnizohemi në vijmësi me kite, edhe dje kanë ardhur, edhe sot vijnë, edhe nëser pritet të vijnë. Kitet nuk përbëjnë problem. Qëllimi madhor që ne kemi është që të kemi cilësi në analizat që kryejmë dhe këtë cilësi e ofrojmë nëpërmjet laboratorit të virologjisë në ISHP, në laboratorët e tjerë që po hapim, siç është ai i QSUT dhe më tej do të hapim në Spitalin ?Shefqet Ndroqi?, nënvizoi ajo./ CNA.al





Lajmet e fundit nga