web counter
LEXO PA REKLAMA!

SHKARKO APP

App Store
Google Play

E fundit!

x

Shpresë për Italinë/ Bie numri i viktimave, rritet numri i të shëruarve

6 Prill 2020, 08:13, Kosova & Bota CNA

Situata në Itali tashmë duket shpresëdhënëse. Edhe pse vijon të jetë një situatë e vështirë, të dhënat e fundit në Itali tregojnë për një trend zbritës të numrit të viktimave dhe të infektuarve.

Kështu, mediat italiane raportojnë se numri i të shtruarve në spital në rajonin e Lombardisë është rritur dhe po zbret ngadalë numri i vdekjeve.

Edhe personat e rinj të testuar pozitiv tani janë pa ose me fare pak simptoma dhe ndodhen në kushtet e shtëpisë por sipas epidemiologëve lehtësojnë ende përhapjen e infeksionit së pari brenda familjes dhe më pas jashtë saj.

E gjithë kjo ndërsa edhe rajoni i Toscanës po ndjek shembullin e Lombardisë ku autoritetet kanë shpallur duke filluar nga sot detyrimin për mbajtjen e maskave apo shalleve për të gjithë ata që dalin nga shtëpia.

Sipas Institutit të Lartë të Shëndetësisë zbritja ka filluar dhe qeveria bashkë me ekipin e shkencëtarëve do të duhet të fillojnë të mendojnë për fazën 2 nëse në ditët në vijim tendenca vazhdon të konfirmohet.

Por për kryeministrin Conte është ende herët të thuhet se kur bllokimi do të përfundojë dhe bashkë me komitetin shkencor po ndiqet me vëmendje.

Në një intervistë për NBC Neës në Amerikë kryeministri Conte tha se “pas Kinës, Italia ishte vendi i parë që u përball me emergjencën shëndetësore. Përgjigja e qeverisë mund të mos ketë qenë perfekte, por bazuar te njohuritë që kishim për këtë koronavirus kemi bërë më të mirën. Vlefshmëria e masave tona është njohur nga OBSH dhe rezultatet tregojnë se jemi në rrugën e duhur?.

Aktualisht në Itali janë shënuar gjithsej 15 887 viktima, 128 948 të infektuar dhe 21 815 të shëruar.





Lajmet e fundit nga