web counter
LEXO PA REKLAMA!

SHKARKO APP

App Store
Google Play

Në Panama ka rregulla për daljen/ Koronavirusi po “ndan” burrat nga gratë

2 Prill 2020, 08:26, Kosova & Bota CNA

Koronavirusi po mban në alarm pothuajse gjithë botën, ndërsa autoritetet kanë marrë masa drastike për të kufizuar përhapjen e tij.

Ndërkohë, në Panama është duke u ndërmarrë një masë e re, për të luftuar përhapjen e koronavirusit: ndarjen e gjinive.

Kështu, CNN raporton se pas këtij vendimi vetëm gratë do të jenë në gjendje të lënë shtëpitë e tyre për të blerë gjërat të hënave, të mërkurave dhe të premteve.

Burrat do të lejohen të dalin jashtë, për të bërë veprimet e nevojshme, të martën, të enjten dhe të shtunën.

Të gjithë do të duhet të qëndrojnë në shtëpi të dielave. Kufizimet do të zgjasin së paku 15 ditë, sipas zyrtarëve të qeverisë.

“Sasia e madhe e njerëzve që qarkullojnë jashtë shtëpive të tyre, pavarësisht nga karantina e detyrueshme kombëtare, ka bërë që qeveria të marrë masa më të rënda”, thuhet në një deklaratë të presidentit panamez, Laurentino “Nito” Cortizo, në Twitter.

Më parë, zyrtarët kishin porositur të gjithë qytetarët të qëndronin brenda, përveç urgjencave ose blerjes së ushqimeve.

Por të alarmuar nga numri i njerëzve që ende po dilnin, zyrtarët panamezë vendosën të ndanin javën sipas gjinisë për të kufizuar sasinë e madhe të publikut jashtë në të njëjtën kohë.

Edhe në ditët e tyre të përcaktuara, burrat dhe gratë do të kenë vetëm dy orë për të bërë blerjet, sipas njoftimit të qeverisë.

Panamaja ka 1,075 raste të konfirmuara të koronavirusit dhe 27 vdekje, sipas zyrtarëve shëndetësorë dhe tashmë ka ndërmarrë disa nga masat më të vështira në rajon për të ndaluar përhapjen e sëmundjes.

Vendi ka ndaluar të gjitha udhëtimet vendase dhe ndërkombëtare. Ajo ka mbyllur aeroportet dhe pas 22 marsit, ka ndaluar madje edhe shtetasit panamezë të udhëtojnë në vend./CNA.al





Lajmet e fundit nga