web counter
LEXO PA REKLAMA!

SHKARKO APP

App Store
Google Play

“Nuk i treguam se do na mbyllnin derën”/ Moderatorja italiane mesazh prindërve të mjekëve shqiptarë

31 Mars 2020, 08:14, Sociale CNA

Dy ditë më parë 10 mjekë dhe 20 infermierë shqiptarë u nisën drejt Italisë për ti ardhhur në ndihmë në këtë situatë të vështirë që po kalon shteti fqinj për shkak të koronavirusit.

Disa nga mjekët që do të ndihmojnë Italinë në përballjen me koronavirusin kanë treguar se u nisën pa njoftuar prindërit për të mos i shqetësuar e ndoshta për të shmangur edhe faktin që frika se do të rrezikonin jetën e tyre t’i bënte prindërit të mos i jepnin “leje”.

“Nëse do t’i thonim ndoshta do të na kishin mbyllur derën”, iu shprehën disa prej tyre.

Moderatorja italiane e emisionit “Agora” në Rai3, nisur nga ky fakt, në një komunikim të drejtpërdrejtë me Skype nga Tirana me kryeministrin Edi Rama iu drejtua prindërve të mjekëve shqiptarë: “Rrini të qetë se do të kujdesemi për ta edhe ne. I dërgoj një mesazh prindërve të tyre. Si italian jemi popull bujar dhe i ndjeshëm”, u shpreh Serena Bortone.

Kujtojmë se dërgimi i mjekëve shqiptarë në Itali bëri bujë të madhe në mediat italiane duke shprehur falenderime për Shqipërinë që iu gjend pranë në këto momente të vështira./CNA.al





Lajmet e fundit nga