web counter
LEXO PA REKLAMA!

SHKARKO APP

App Store
Google Play

“Wau, wau!”/ Brataj i jep kurajo nga izolimi kolegëve të dërguar në Itali

29 Mars 2020, 15:00, Sociale CNA

Shefi i Urgjencës Skënder Brataj ka reaguar nga izolimi për mjekët dhe infermierët e dërguar në Itali për të luftuar krah kolegëve të shtetit fqinj me koronavirusin.

Brataj deklaron se ky staf mjekësor është krenaria jonë, shembulli dhe virtyti. Ai thotë se ka të njëjtën ndjesi si ajo e momentit kur pa ekipet e kërkim-shpëtimit të Italisë në Durrës duke gërmuar në rrënojat e banesave të shembura nga tërmeti.

“Ju jeni ajo traditë e bukur, që gjithmonë vetëm e kemi thënë me fjalë, ndërsa sot është konkrete, e prekshme reale; tradita e bukur e shqiptarit, ajo e ndihmës së personave në nevojë. Ju betohem se ishte e njëjta skenë, ndjesi, emocion si atë ditë te këneta në Durrës, kur pashë ekipet e shpëtimit të Italisë në periudhën e tërmetit. Është e njëjta skenë para avionit, kur ekipet mjekësore italiane dhe Protezine Civile Italiana mernin bashkomasit tonë për ti kuruar në Itali. Sot niseni ju për të kurar qytetarët italianë! Wau, wau! Unë kam punuar 22 vjet mjek për ata njerëz të mrekullueshëm dhe sot e ndjej veten në çdo njërin prej jush. Atje ka me qindra mjekë dhe infermierë shqiptarë që punojnë dhe jetojnë. Në këtë moment po japin maksimumin e tyre, por ju sot na sillni emocione, na sillni ndjesinë dhe krenarinë e të qënit mjek, bluza të bardha, humanist, por akoma më shumë të qenit shqiptar! Ju po shkoni në luftë me vetëdije, kundër një armiku sa të njohur, aq të pa njohur, por me vendosmërinë e pa tundur, objektivin për të cilin keni studiuar.?, shkruan ai në rrjetet sociale.

Shefi i Urgjencës Kombëtare, i cili është konfirmuar me koronavirus, i jep kurajo kolegëve që të shpëtojnë jetë, pasi thekson se këtë mission fisnik e kanë të skalitur në zemër./ CNA.al





Lajmet e fundit nga