Jo vetëm me Merkelin/ Conte përplaset me Ursula Von der Leyen për planin ekonomik

28 Mars 2020, 22:15, Kosova & Bota CNA

Koronabondi ka qenë shkak i një konflikti të ndezur mes presidentes së Komisionit të BE Ursula Von der Leyen dhe kryeministrit të Italisë Giuseppe Contes.

Presidentja e Komisionit të BE ka mbështetur kancelaren gjermane Angela Merkel dhe ka kundërshtuar kërkesat e Italisë, pas përplasjes që kjo e fundit ka pasur me Conten për planin ekonomik.

?Qëllimi i Evropës ka qenë gjithmonë afrimi i kushteve ekonomike më vendet anëtare. Italia nuk është fajtore për krizën që shpërtheu me koronavirus dhe është goditur shumë rëndë ekonomikisht dhe bizneset duhet të shpëtohen. Për këtë arsye, si Komision, kemi marrë një mandat nga Këshilli për të hartuar një plan rindërtimi. Kjo është pista për të cilën po punojmë?, deklaroi ajo ndërsa theksoi se Komisioni Evropian nuk po planifikon të emetojë bonot e veta të borxhit.

Ursula Von der Leyen pretendon se nuk ka një plan ekonomik dhe fjalën koronabond e cilësoi si një parrullë. Ajo gjithashtu tha se është në lojë pyetja e madhe e garancive.

Por pas deklaratave të saj ka ardhur edhe reagimi i menjëhershëm i kryeministrit Italian, i cili i thotë se nuk i ka bërë asnjë kërkesë Komisionit Europian, por Eurogrupit.

?Ne nuk i kemi bërë një propozim Komisionit, por Eurogrupit për ta përpunuar atë. Ka një debat në vazhdim. Por këtu ka një takim me historinë dhe të gjithë duhet të pajtohen me të?, është shprehur ai. Conte ka thumbuar Von der Leyen teksa ka thënë se ?detyra e propozimit nuk i lihet presidentit të komisionit, por do të jetë Eurogrupi që të shtjellojë propozimet?.

Nga ana tjetër edhe ministri i Ekonomisë Roberto Gualtieri i cilësoi të gabuara deklaratat e presidents së Komisionit Europian.

“Fjalët e Von Der Leyen” për Coronabonds “janë të gabuara. Ajo që shkruhet në letrën e nëntë krerëve të shtetit evropian është përgjigja më e përshtatshme për një tronditje simetrike të ekonomisë dhe të gjithë duhet të vihemi në sfidë, madje edhe vetë presidentja e Komisionit Evropian”, deklaroi ministri./ CNA.al

Pandemia ?përçan? BE-në/ Conte debatet të forta me kancelaren gjermane