E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Po lufton COVID-19/ Flet Skënder Brataj: Mesazhet tuaja më bëjnë të dedh lot me ngashërim, ja kura më e mirë

26 Mars 2020, 17:13, Aktualitet CNA

Drejtori i Urgjencës Kombëtare, Skënder Brataj ka reaguar sërish në rrjetet sociale pas konfirmimit me koronavirus.

Brataj tregon se ndodhet në gjendje të mirë shëndetësore dhe falenderon të gjithë miqtë, të afërmit dhe qytetarët që i kanë shkruar mesazhe motivuese për të kaluar këtë moment të vështirë.

Ai deklaron se mesazhet që i kanë dërguar nuk janë vetëm kurajo, por medikamenti më i mirë i kësaj terapie kundër koronavirusit Sars Cov2, që shkakton sëmundjen e COVID-19.

Drejtori i Urgjencës thotë se nuk është aspak e lehtë ta kalosh këtë gjë, por thekson se mesazhet e kanë përlotur dhe i kanë dhënë më shumë energji për të luftuar virusin.

?Nuk është aspak e thjeshtë për askënd të marë lajmin se është i infektuar nga coronavirusi; nuk është aspak lajm i mirë kur ke të gjitha shenjat dhe simptomat e sëmundjes, kësaj sëmundje tinzare dhe jo plotësisht të njohur; nuk është aspak e këndshme që familiarët dhe bashkëpunëtorët e tu të njoftohen nga mediat! Ju garantoj se kura më e mirë është poziviteti juaj pa fund, pa masë, pa ndërprerje, pa limit, pa dallim, pa kufij, nga çdo qytet, fshat, apo shtet, që çdo ditë të jep energji, të jep kurajo, të jep emocion, të jep dashuri humane pa fund, aq sa shumë herë të derdhësh lot, po lot me ngashërim, lot që pushojnë vetëm kur heq sytë nga ato mesazhe, sms, apo hartime tuajat të shkruajtura me fjalë zemre, me dashuri nëne, shoku, kolegu, me ndjenjë humane. Unë tani kam pak kollë dhe shenja më të lehta të semundjes. Jam më mirë, edhe falë këtij poziviteti të vazhdueshëm që ju më dhuroni. Shpresoj të kthehem sa më shpejt?? Unë do të kthehem që të vazhdojmë këtë betejë të ashpër së bashku, për t?ju shprehur edhe njëherë, shumë, shumë, shumë, shumë mirënjohje ! Falenderimi për ju është shumë pak!”, shkruan ndër të tjera Brataj./ CNA.al