web counter
LEXO PA REKLAMA!

SHKARKO APP

App Store
Google Play

Kur do t'i rikthehen shqiptarët jetës normale?/ Flet mjeku i njohur

24 Mars 2020, 06:56, Sociale CNA

Mjeku Dritan Ulqinaku ka vlerësuar se masat drastike të ndërmarra në vendin tonë që me rastin e parë të identifikuar me COVID-19, janë hapi i duhur dhe rruga e vetme, edhe pse shumë e vështirë, për të minimizuar përhapjen e mëtejshme të këtij virusi.

Në një intervistë në studion e Ilva Now, Ulqinaku theksoi se edhe pse mjekësia tashmë njeh shumëçka nga ky virus, që nga periudha e inkubimit, moshat që preken më shumë, gjinia më e riskuar, kanë filluar të bëhen kombinime ilaçesh që kanë nisur të japin rezultatet e para, sërish është herët për të ditur sjelljen e mëtejshme të sëmundjes.

I pyetur lidhur me mundësinë që ky virus, siç ndodh rëndom me viruset e tjera, do të zhduket me rritjen e temperaturave, mjeku Ulqinaku nuk e përjashtoi mundësinë që rritja e temperaturave ta zbuste virusin, duke sjellë si shembull këtu vendet afrikane, që janë pothuajse të paprekura, por shtoi se kjo teori mbetet e paprovuar.

?Rastet, duke njohur viruset e tjera që qarkullojnë në stinën e dimrit, mund të jetë i njëjtë. Virusi i Sarsit u zhduk me pranverën. Shpresojmë të jetë ky rasti, që virusi të zbutet. Për momentin nuk mund ta themi këtë. Teoritë lidhur me këtë gjë nuk po gjejnë ende bazë të mirëfilltë. shkencore. Afrika për shembull është e paprekur, ose rastet kanë qenë të njëjtat, nuk kanë trendin e Evropës?, tha ai.

Teksa apeloi se distancimi social është arma më e mirë për ta mbajtur larg këtë virus, mjeku u shpreh se izolimi për shkak të COVID-19 parashikohet të jetë i gjatë, të paktën deri në fillim të muajit maj.

I pyetur me humor nga gazetarja Ilva Tare se kur do të mund t’i rikthehen shqiptarët kafeve, mjeku tha se zakoni i përditshëm i qytetarëve mund të kërkojë disa muaj për t’u rikthyer.

?Koha që do pijmë kafe lirshëm do jetë e gjatë, minimalisht fillimi i majit?, – tha mjeku Ulqinaku.





Lajmet e fundit nga